• USD12357.09
    • RUB153.49
    • EUR14330.52
    Daryo.uz - Login
    O‘zbekiston

    Farg‘onadagi issiqxonada 1,6 mlrd so‘mlik tabiiy gazdan noqonuniy foydalanildi

    Farg‘onada o‘tkazilgan reyd jarayonida tabiiy gazdan o‘g‘rincha foydalanish holati aniqlandi, deb xabar berdi “Hududgaztaʼminot” AJ matbuot xizmati.

    Maʼlum qilinishicha, “Shakarqishloq” MFYda joylashgan issiqxona hech qanday hujjatlarsiz o‘zboshimchalik bilan tabiiy gaz tarmog‘iga ulanib, noqonuniy foydalanib kelgan.

    Holat yuzasidan dalolatnoma tuzilib, tabiiy gaz sarfi qayta hisob-kitob qilindi va 1,6 mlrd so‘mlik zarar aniqlandi. 

    To‘plangan barcha hujjatlar qonuniy baho berish uchun huquqni muhofaza qiluvchi organlarga yuborildi.

    Gazni o‘g‘irlayotgan issiqxonalar

    Toshkent viloyatida 618,4 million so‘mlik tabiiy gazdan noqonuniy foydalangan issiqxona aniqlangandi.

    Shuningdek, Samarqandda 1 milliard so‘mlik tabiiy gazdan noqonuniy foydalangan ikkita issiqxona fosh bo‘lgani to‘g‘risida xabar berilgandi.

    Bundan tashqari, Toshkentda 590 mln so‘mlik gazdan noqonuniy foydalangan issiqxona aniqlangan. Keyinroq esa Namanganda issiqxonada milliardlab so‘mlik tabiiy gazdan noqonuniy foydalanilgan.

    #gaz

    Javob qoldiring

    Mavzuga doir

    ×Lightbox Image