Belarus prezidenti Aleksandr Lukashenko o‘z o‘g‘li Nikolayning iqtidorli bolalar uchun stipendiya olishni davom ettirishiga ruxsat beruvchi farmoyishni imzoladi. Bu haqda Belarus nashri Reformation xabar bermoqda.
Nashrda ta’kidlanishicha, Nikolay Lukashenko bu ijtimoiy qo‘llab-quvvatlashdan ilk bor foydalanayotgani yo‘q.
“Kolya Lukashenko otasining qarori bilan maxsus stipendiya olishni davom ettiradi”, deyiladi xabarda.
Imzolangan hujjatga ko‘ra, 2024/25-o‘quv yilining ikkinchi semestri uchun Belarus davlat universiteti (BDU)ning uchinchi kurs talabasi Nikolay Lukashenkoga 229 belarus rubli (taxminan 885 ming so‘m) miqdorida stipendiya tayinlangan.
Eslatishicha, birinchi semestr uchun ko‘rsatkich, davlat rahbarining yanvardagi qaroriga binoan, 221,88 rublni (taxminan 853 ming so‘m) tashkil etadi. Ular ta’kidlashicha, Lukashenkoning o‘g‘li BDUga o‘qishga kirganidan buyon iqtidorli bolalar uchun muntazam ravishda stipendiya olib kelmoqda.
Nikolay Lukashenko – Belarus prezidentning kenja o‘g‘li. U 20 yoshda bo‘lib, otasi bilan birga muntazam ravishda rasmiy tadbirlarda ishtirok etadi. Ilgari uni oliy darajadagi muzokaralarning eng yosh ishtirokchisi deb atashgan, endi esa prezidentning yangi qarori tufayli u yana e’tibor markaziga tushgan.
Izoh (0)