Belarus prezidenti Aleksandr Lukashenko Rossiya bilan bo‘lajak qo‘shma harbiy mashg‘ulotlar maqsadini ma’lum qildi.
Qo‘shma harbiy mashqlar Belarus hududida bo‘lib o‘tishi rejalashtirilgan. Lukashenko Rossiya mudofaa vaziri Andrey Belausov bilan bu masalani muhokama qilgan.
Aytmoqchimanki, mashqlarga tayyormiz. Hech kimdan hech narsani yashirmaymiz. Biz chindan ham bu mashqlar o‘zimizniki ekanini va mudofaa xususiyatiga ega ekanini ochiq-oydin ko‘rsatmoqdamiz. Ba’zilar o‘ylaganidek, biz hech kimga hujum qilmoqchi emasmiz. Mayli, bu ularning ishi. O‘ylayverishsin. Bizda mashqlarni o‘tkazish bo‘yicha prezidentlar darajasida qaror qabul qilingan, dedi Belarus prezidenti.
Lukashenko rus hamkasbi Vladimir Putin bilan bu masalani allaqachon muhokama qilganiga to‘xtaldi.
Gap bizning qismimizga, ya’ni Belarus poligonlariga taalluqli bo‘lsa, biz tayyormiz. Rejaga muvofiq, kerakli joylarga — Rossiya poligonlariga uchib borishga ham tayyormiz. Aksincha — Rossiya qo‘shinlarini qabul qilishga, Ittifoq davlatida tuzilgan qo‘shma qo‘shinlar guruhining mashg‘ulotlarini o‘tkazishga ham tayyormiz. Bu borada Rossiya xavotir olmasa ham bo‘ladi. Biz juda puxta tayyorgarlik ko‘ramiz. Bizning Belarus tomoni, paraddagi kabi, boshqa harbiy bo‘linmalardan kam ko‘rinmaydi, deya ta’kidladi u.
Turli hisob-kitoblarga ko‘ra, qo‘shma mashqlarda 100 minggacha odam jalb qilinishi mumkin. So‘nggi “G‘arb-2021” mashg‘ulotlarida 200 mingga yaqin kishi ishtirok etgan. Bu “G‘arb” uchun katta farq bilan mutlaq rekord hisoblanadi. Rasmiy yopilish marosimi sentyabr oyida bo‘lib o‘tgan va 2021-yil dekabr oyida Lukashenko va Putin “Ittifoq davlatining g‘arbiy chegaralarida va Belarusning janubiy qismida rejadan tashqari aniq tadbirlar o‘tkazish” haqida kelishib olgan. Bu “Ittifoqdosh qat’iyat — 2022” mashg‘ulotlariga aylangan.
Ular yakunlangach, Rossiya qo‘shinlari Belarus hududidan olib chiqilmagan va 2022-yil 24-fevralda Ukrainaga bostirib kirishda foydalanilgan. Shuningdek, Lukashenko Ukrainadagi urushga jo‘natilishidan oldin safarbar qilingan rossiyaliklarni o‘qitish va mashq qildirish uchun Belarus poligonlarini taqdim etgan.
Izoh (0)