Shavkat Mirziyoyev Belarus prezidenti Aleksandr Lukashenko taklifiga binoan 26—27-iyun kunlari amaliy tashrif bilan Minsk shahrida bo‘ladi.
Prezident matbuot xizmatining ma’lum qilishicha, mamlakat yetakchisi Oliy Yevrosiyo iqtisodiy kengashining navbatdagi yig‘ilishida kuzatuvchi davlat rahbari maqomida ishtirok etadi.
Sammit kun tartibidan tashkilot doirasidagi ko‘p tomonlama hamkorlikni yanada kengaytirish masalalari o‘rin olgan. Amaliy hamkorlikning ustuvor yo‘nalishlari ko‘rib chiqiladi.
Oliy Yevrosiyo iqtisodiy kengashining avvalgi yig‘ilishi 2024-yil 26-dekabr kuni Sankt Peterburg shahrida bo‘lib o‘tgandi. Unda ham Shavkat Mirziyoyev kuzatuvchi maqomida ishtirok etib, nutq so‘zlagandi.
Izoh (0)