Ijtimoiy tarmoqlarda Uchtepa tumani O‘rikzor “Stroy gorod” qurilish bozorida “svet” o‘chirilib, odamlar kiritilmayotgani haqida videolar tarqaldi. Holat yuzasidan Toshkent shahar FVB maʼlumot berdi.
Unga ko‘ra, aslida Toshkent tumanlararo iqtisodiy sudi tomonidan “Oziq-ovqat standart karton” MCHJga qarashli savdo binolari va xonalarida aniqlangan yong‘inga qarshi kamchiliklar va qonun buzilishlari to‘liq bartaraf etilgunga qadar ish faoliyatini vaqtincha to‘xtatib turish to‘g‘risidagi qarori chiqqan.
Shunga asosan 27-iyun kunidan savdo kompleksi (qurilish mahsulotlari bozori) Toshkent shahar Favqulodda vaziyatlar boshqarmasi tomonidan aniqlangan yong‘inga qarshi kamchiliklar, qonun buzilishlari to‘liq bartaraf etilgunga qadar ish faoliyati vaqtincha to‘xtatilgan.
“Toshkent shahar elektr tarmoqlari” esa tadbirkorlar tomonidan yuzaga kelgan ichki muammolarga mazkur bozor maʼmuriyati javob berishini maʼlum qildi.
Qashqadaryo viloyatining Shahrisabz shahar, “Kesh” MFY, Ipak yo‘li ko‘chasida joylashgan 2 ta do‘konda (qandolat va quruq mevalar) 30-iyun kuni soat 20:50 larda yong‘in sodir bo‘lgan edi.
Shuningdek, Jizzaxdagi bozor yaqinida ikki qavatli choyxona yonib ketgan edi.
Izoh (0)