“Qo‘yliq” dehqon bozori faoliyatining rasman tugatilishi, korxonalar 2023-yilda qancha soliq to‘lagani haqida maʼlumotlar, lavozimidan ketgan Chirchiq shahri hokimi – “Daryo” nashri bugun, 13-martda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Markaziy bank uchta tijorat bankini jarimaga tortdi
Yana oltita bank chora va sanksiyalar qo‘llanilishi to‘g‘risida ogohlantirildi.
O‘zbekistonliklar uchun tibbiyot mutaxassisligi darajasida ingliz tili kurslari tashkil etiladi
O‘zbekistonning Buyuk Britaniyadagi elchisi Ravshan Usmanov NEU Professionals rekruting kompaniyasi direktori Edita Ozbek bilan onlayn tarzda uchrashdi.
O‘zbekistonda korrupsiyani oldini olish choralarini ko‘rmagan mansabdorlar javobgarlikka tortilishi kutilmoqda
Korrupsiyaga qarshi kurashish bo‘yicha 2030-yilgacha mo‘ljallangan Milliy strategiya ishlab chiqildi.
Uzbekistan Airways samolyoti qanotida yamoqlar. Kompaniya rasmiy munosabat bildirdi
Kompaniyaning bildirishicha, bu muammo Boeing 787 Dreamliner havo kemalarining parvozlar xavfsizligi va qulayligiga hech qanday taʼsir ko‘rsatmaydi.
Chirchiq shahri hokimi Davron Hidoyatov lavozimidan ketdi
“Daryo” manbasining bildirishicha, shaharning sobiq hokimi ayni kunda boshqa lavozimda ish boshlagan.
O‘zbekistonda ish haqini himoya qilish to‘g‘risidagi konvensiya ratifikatsiya qilindi
Prezident tegishli qonunni imzoladi.
“Tashabbusli byudjet”ga ovoz berish texnik nosozlik sabab vaqtincha to‘xtatildi
Muammo bartaraf etilsa, ovoz berish jarayoni 16-martdan davom ettiriladi.
Toshkentning qaysi tumanlarida uy-joy ijara narxlari pasaygani ma’lum qilindi
Bektemir va Shayxontohur tumanlarida ijara haqi oshdi.
Toshkentda 16 ming dollar evaziga AQSHga ishga yuborishni va’da qilgan shaxs ushlandi
Bu pul evaziga Turkiya, Meksika va Nikaragua davlatlari orqali AQSHga yuborishini aytgan.
O‘zbekistonda 8 turdagi qalbakilashtirilgan farmatsevtika mahsulotlari aniqlandi
Fevral oyida farmatsevtika mahsulotlarini ekspertizadan o‘tkazish bo‘yicha 200 dan ziyod murojaat kelib tushgan.
Farg‘onada 93 tup ko‘chatni ruxsatsiz ko‘chirgan fuqaro tabiatga 250 mln so‘mdan ziyod zarar yetkazdi
Bundan tashqari, to‘rt tup yapon soforasi, to‘rt tup tol daraxti ostidan kesib yuborilgan.
O‘zbekistonda elektr energiyasi yetkazib berishda yana cheklovlar kiritildi
Cheklovdan kutilmagan avariyalarning oldini olish maqsad qilingan.
O‘zbekistonda ishlab chiqarish sohasidagi top-5 soliq to‘lovchilar maʼlum qilindi
Reyting tuzishda 2023-yil maʼlumotlariga asoslanilgan.
O‘zbekistonning Latviyadagi yangi elchisi tayinlandi
Ushbu lavozimni O‘zbekistonning Novosibirsk shahridagi bosh konsuli lavozimida ishlagan Timur Rahmonov egalladi.
O‘zbekistonda savdo sohasidagi korxonalar 2023-yilda qancha soliq to‘lagani ochiqlandi
Ular qo‘llagan soliq imtiyozlari miqdori 759 mlrd so‘mga yetgan.
O‘zbekistonda davlat va xususiy korxonalarga qancha miqdorda soliq imtiyozlari berilmoqda?
Korxonalarga bir yilda jami 13,2 trln so‘mdan ortiq soliq imtiyozlari qo‘llangan.
Xorazmda o‘quvchilarni kaltaklagan maktab o‘qituvchisi ishdan bo‘shatildi
Shuningdek, o‘qituvchi jarimaga tortildi.
“Qo‘yliq” dehqon bozori faoliyati rasman tugatildi
Yil boshida bozor rekonstruksiyaga yopilgani haqida xabarlar tarqalgan edi.
2023-yilda internet tarmog‘ini eng ko‘p uzib qo‘ygan mamlakatlar reytingi eʼlon qilindi
Internetni bloklash bilan bog‘liq holatlarning ko‘pchiligi fuqaroviy tartibsizlik va hukumatga qarshi norozilik holatlari yuzaga kelgan vaziyatlarda amalga oshirilgan.
Toshkentdagi oilaviy poliklinikada elektron navbat tizimi ishga tushirildi
Shuningdek, “Elektron retsept” (reimbursatsiya) tizimi joriy etilgan.
O‘zbekistonda 2024-yili gaz va “svet”dan noqonuniy foydalanilishi oqibatida 215,6 mlrd so‘m zarar yetkazildi
Shu kunga qadar 2 156 ta isteʼmolchi tomonidan tabiiy gaz va elektr energiyasidan noqonuniy foydalanish holatlari aniqlangan.
O‘zbekistonda umumiy ovqatlanish korxonalari 2023-yili qariyb 1 trln so‘mdan ortiq soliq to‘ladi
O‘tgan yili umumiy ovqatlanish faoliyati bilan shug‘ullanuvchi 20,3 mingta yuridik shaxs soliq to‘lagan.
Izoh (0)