iPhone 17 Pro Max barcha Apple smartfonlari orasida eng kuchli batareyaga ega bo‘lishi kutilmoqda. Ishonchli Instant Digital manbasi qurilmaning aniq sig‘imi va taxminiy quvvatlashsiz ishlash vaqtini ma’lum qildi.
Flagman 5000 mA/soatlik batareya bilan jihozlanadi, bu taxminan 35 soat yoki undan ko‘proq avtonom ishlashga yetadi. A19 Pro chipi va yangi Qualcomm Snapdragon X80 modemi tufayli yaxshilangan energiya samaradorligi ishlash vaqtini oshirishda muhim rol o‘ynaydi. Qiyoslash uchun quyida avvalgi modellarning ma’lumotlari keltirilgan:
- iPhone 12 Pro Max: 3687 mA/soat (gacha 20 soat);
- iPhone 13 Pro Max: 4352 mA/soat (gacha 28 soat);
- iPhone 14 Pro Max: 4323 mA/soat (gacha 29 soat);
- iPhone 15 Pro Max: 4422 mA/soat (gacha 29 soat);
- iPhone 16 Pro Max: 4676 mA/soat (gacha 33 soat);
- iPhone 17 Pro Max: 5000 mA/soat (35 soat yoki undan ortiq).
Instant Digital Apple haqidagi mish-mishlar bo‘yicha bahsli obro‘ga ega bo‘lsa-da, u bir necha bor hayratlanarli darajada aniq ma’lumotlar taqdim etgan. Uning bashoratlari orasida 2023-yilda sariq iPhone 14 ning chiqarilishi, iPhone 15 va iPhone 15 Plus’ning orqa oynasining mat bo‘lishi, Watch Series 9’da minimal o‘zgarishlar, iPhone 15 Pro‘da fazoviy videoni qo‘llab-quvvatlash va boshqa ko‘plab ma’lumotlar bor. Demak uning ichki ma’lumotlarini jiddiy qabul qilish mumkin. iPhone 17 seriyasining taqdimoti sentyabr oyida bo‘lib o‘tadi.
Izoh (0)