Madridning “Real” klubida sobiq darvozaboni Kiko Kasilya portugaliyalik hujumchi Krishtianu Ronaldu haqida iliq fikr bildirdi. Bu haqda Euro-Footall nashri xabar berdi.
Ispaniyalik posbon Ronaldu nafaqat maydonda, balki kundalik hayotda ham saxovatli va insonparvar ekanini ta’kidladi:
Ronaldu — fenomen, noyob inson. U hatto klub akademiyasida shug‘ullanayotgan bolalarga ham yordam beradi. Undan nima so‘rasangiz ham, rad etmaydi. Biz AQShga mavsumoldi yig‘inga borganimizda, u barcha klub xodimlariga — fizioterapevtlardan tortib qo‘riqchilargacha — yangi iPhone va Apple Watch sovg‘a qilgan edi. U atrofidagi odamlarga doim yaxshilik qiladi, — deydi Kasilya The After Show ko‘rsatuvida.
Eslatib o‘tamiz, hozirda Krishtianu Ronaldu Saudiya Arabistonining “An-Nassr” klubida to‘p surmoqda. Yaqinda u jamoa bilan shartnomasini 2027-yilgacha uzaytirdi. Hujumchi u 2009-yildan 2018-yilgacha “Real” sharafini himoya qilgan.
Ma’lumot uchun, Kiko Kasilya “qirollik klubi” tarbiyalanuvchisi hisoblanadi. Darvozabon 2023-yil futbolchilik faoliyatini yakunlagan.
Izoh (0)