Apple kompaniyasi Braziliyaning San-Paulu shtatida iste’molchilar huquqlarini himoya qilish bo‘yicha mahalliy qonunchilikni buzgani uchun, taxminan, 2 million dollar jarimaga tortildi. Bunga iPhone qurilmalari quvvatlantirgichsiz sotilayotgani sabab bo‘lgan, deb yozadi IXBT.
San-Pauludagi Procon-SP iste’molchilar huquqlarini himoya qilish davlat tashkiloti iPhone’lar jamlanmasi quvvatlantirgichsiz sotilayotganiga oid tekshiruvlaridan so‘ng, Apple’ni jarimaga tortishga qaror qilgan.
Dekabr oyida Procon-SP Apple’ga iPhone smartfonlarini quvvatlantirgich bilan sotish majburiyatini yuklagan edi. Endi esa navbatdagi qadam amalga oshirildi — jarima.
Eslatib o‘tamiz, Apple 2020-yilning oktabrdan boshlab o‘zining yangi smartfonlari naushnik va quvvatlantirish qurilmasisiz sotishga qaror qilgan. Bu orqali kompaniya atrof-muhitga yetkaziladigan zararlarni kamaytirish niyatida. Mazkur yangilik iPhone 12 lineykasidagi barcha modellar va hozirda sotuvda qolgan eski iPhone’larga ham taalluqli. Biroq kompaniya Fransiya uchun istisno qilishga to‘g‘ri keldi va ushbu mamlakatda sotiladigan smartfonlar qutisidan naushnik ham o‘rin oladi.
Izoh (0)