Afg‘onistonda smartfonlar qo‘shni davlatlarga qaraganda arzonmi?

Afg‘onistonda sotilayotgan smartfonlar narxi qo‘shni davlatlarga nisbatan arzonmi? “Daryo”ning Mozori Sharifdagi muxbiri texnika bozoridagi smartfonlar narxini o‘rganib, savdogarlar bilan suhbatlashdi.

Mamlakat aholisining aksariyati iqtisodiy ahvolidan kelib chiqib ikkinchi qo‘l telefonlarini sotib olishni afzal ko‘radi. Mozori Sharifdagi Najibulla ismli savdogar bunday smartfonlar Yevropa, Amerika, baʼzilari esa Osiyo mamlakatlarida qo‘llanilganini aytdi. U Afg‘onistonga yuqori sifatli modellar Dubaydan olib kelinishini ta’kidladi.

Najibulla aholining aksariyati Apple va Samsung telefonlaridan foydalanishi, chunki ular sifati va batareya quvvati tufayli boshqa telefonlarga nisbatan ustunligini bildirdi.

Mujibulla Xitoydan Afg‘onistonga yuqori darajadagi smartfonlarning ko‘p turlarini import qiladi. U afg‘on aholisining ikkinchi qo‘l smartfonlarga qiziqishi yuqorligi, sababi ular ikki SIM-kartaga egaligi va o‘yinlarda batareya quvvati yaxshiligini aytdi.

“Ikkinchi qo‘l telefonlarini sotuv uchun Balx viloyatiga qo‘shni Juzjon, Sarpul, Samangan kabi viloyatlarga ham jo‘natamiz”, deydi u.

Telefonlarning yana bir sotuvchisi Din Muhammadga ko‘ra, puli kam va qimmat telefonlarni xarid qila olmaydigan ba’zi odamlar, asosan, arzon narxdagi Samsung telefonlarini oladi. Boshqalar esa iPhone yoki Xiaomi telefonlarini tanlaydi.

Ishlatilgan smartfonlar narxi qat’iy emas va har kuni yoki haftada o‘zgarishi mumkin. Afg‘onistonda turli kompaniyalarning yangi smartfonlari narxi esa quyidagicha:

iPhone 15 modellari:

• iPhone 15 128 GB 900 dollar
• iPhone 15 Pro 256 GB 1200 dollar / 512gb 1350 dollar
• iPhone 15 Pro Max 256 GB 1349 dollar / 512 gb 1540 dollar

iPhone 14 narxlari:

• iPhone 14 Pro Max 128 GB 1050 dollar
• iPhone 14 Pro Max 256 GB 1150 dollar
• iPhone 14 Pro Max 512 GB 1300 dollar 

‌‏iPhone 13 narxlari:

• iPhone 13 Pro Max 128 GB 900 dollar
• iPhone 13 Pro Max 256 GB 999 dollar
• iPhone 13 Pro Max 512 GB 1050 dollar

Galaxy S narxlari:

• S24 ultra 256 GB 950 dollar
• S24 ultra 512 GB 1100 dollar
• S23 ultra 256/12 830 dollar
• S23 ultra 512/12 980 dollar
• S21 Plus 256/8 650 dollar

Redmi narxlari:

• Note 13 PRO+ 512/16 430 dollar
• Note 13 PRO+ 512/12  400 dollar
• Note 13 PRO 5G 512/12 350 dollar
• Note 13 PRO 256/8 300 dollar
• Note 13 pro 256/12 320 dollar
• Note 13 512/16 350 dollar
• Note 13 256/12 300 dollar
• Note 13 256/8 230 dollar
• Note 12 Pro + 256/12 5G 350 dollar