Xorazm viloyati Urganch shahrida ikki o‘smir qiz 7-qavatdan o‘zini tashlab, joniga qasd qildi. Bu haqda Bosh prokuratura xabar berdi.
Ma’lum qilinishicha, holat 7-iyul kuni soat 08:15 larda Urganch shahar, Nurli hayot ko‘chasi, 20-uyda sodir bo‘lgan. Yetti qavatli uyning tomidan 2 nafar qiz o‘zini pastga tashlab, vafot etgan.
O‘tkazilgan tekshiruvda o‘z joniga qasd qilgan qizlarning 2009-yilda tug‘ilgan voyaga yetmagan D.S. hamda 2010-yilda tug‘ilgan voyaga yetmagan S.B. ekani aniqlangan. Hozirda holat yuzasidan Urganch shahar prokuraturasi tomonidan tergovga qadar tekshiruv harakatlari olib borilmoqda.
Izoh (0)