Toshkent viloyati O‘rtachirchiq tumanida hojatxonaga tushib ketgan bolani qo‘shni yigit qutqardi. Bu haqda FVV xabar berdi.
Maʼlum qilinishicha, 17-iyun kuni soat 14:10 da Toshkent viloyati O‘rtachirchiq tumani “Bunyodkor” mahallasi Izzat ko‘chasidagi uylarning birida yashovchi ayol hovlisidagi hojatxonaga farzandi tushib ketganini ko‘rib, baland ovozda yordamga chaqirgan. Qo‘shnisining ovozini eshitgan yigit darhol hodisa joyiga yetib borib bolani bir necha soniya ichida qutqarib olib, hayotini saqlab qolgan.
Bundan xabar topgan Toshkent viloyati FVB rahbariyati inson hayotini saqlab qolgan fuqaroga minnatdorlik bildirilib, tashakkurnoma va esdalik sovg‘asini topshirdi.
Toshkentda cho‘kayotgan qizlarni qutqarib, halok bo‘lgan Abdumannop Samiqov “Jasorat” medali bilan mukofotlangani haqida xabar berilgandi. Poytaxt hokimligi mukofotni topshirish marosimida marhumning turmush o‘rtog‘iga 50 mln so‘m berilganini ma’lum qilgan.
Shuningdek, Qashqadaryoda joniga qasd qilish uchun o‘zini kanalga tashlagan fuqaroni ichki ishlar xodimi qutqardi.
Izoh (0)