Latviya hukumati 841 nafar Rossiya fuqarosidan Yevropa Ittifoqining yangi doimiy rezidenti maqomini olish uchun hujjat topshirmaganligi sababli mamlakatni tark etishni talab qildi. Bu haqda Fuqarolik va migratsiya boshqarmasi ma’lum qildi.
“Immigratsiya to‘g‘risidagi qonunga kiritilgan o‘zgartirishlar asosida Rossiyaning 841 nafar fuqarosining doimiy yashash uchun ruxsatnomasi muddati tugagan. Bunga sabab, ular 30 iyungacha Yevropa Ittifoqining uzoq muddatli rezidenti maqomini olish uchun ariza topshirishga zarur hujjatlarni taqdim etishmagan. Mazkur shaxslar 30 noyabrga qadar Latviya Respublikasi hududini tark etishlari shart”, deya ta’kidlanadi bayonotda.
Bunday talab 2024-yil 20-iyundan kuchga kirgan Latviyaning Immigratsiya to‘g‘risidagi qonuniga kiritilgan o‘zgartirishlar bilan bog‘liq.
Yangi qoidalarga ko‘ra, Latviya hududida doimiy yashovchi va doimiy yashash uchun ruxsatnomaga ega bo‘lgan Rossiya fuqarolari nafaqat yangi maqom uchun hujjat topshirishlari, balki latish tilidan ham imtihon topshirishlari lozim edi.
Iyun oyida Latviya hukumati Rossiya va Belarus fuqarolariga mamlakatda ko‘chmas mulk sotib olishni taqiqlagan edi. Qonun Rossiya yoki Belarusda ro‘yxatdan o‘tgan yuridik shaxslarga, shuningdek, ular benefitsiar hisoblanadigan ustav kapitalining kamida 25 foiz aksiyalariga egalik qiluvchi fuqarolarga taalluqli. Bundan tashqari, yangi qoida Rossiya Federatsiyasi va Belarus yuridik tuzilmalariga ham tatbiq etiladi.
Bundan avval Latviya hukumati davlat xizmatchilarining Rossiya va Belarusga borishini cheklovchi qonunni qabul qildi. Cheklovlar harbiy xizmatchilar, sudyalar, vazirlar, mahalliy deputatlar, diplomatlar va “muhim infratuzilma xavfsizligi uchun mas’ul shaxslar”ga ham taalluqli bo‘ladi.
May oyida Latviya seymi (parlamenti) deputatlarga idora binosida rus tilidan foydalanishni taqiqlovchi va ularni latish tilida so‘zlashga majburlovchi o‘zgartishlarni qabul qildi. Latviya seymi (parlamenti) deputatlarga idora binosida rus tilidan foydalanishni taqiqlovchi va ularni latish tilida so‘zlashga majburlovchi o‘zgartishlarni qabul qildi
Izoh (0)