Toshkent shahar Sergeli tumanining Obihayot ko‘chasida avtomobillar va yo‘lovchilar uchun harakat vaqtincha cheklanadi. Bu haqda Transport vazirligi xabar berdi.
Maʼlum qilinishicha, 2025-yil 19-iyuldan 18-avgustga qadar Sergeli tumani Obihayot ko‘chasida issiq suv quvurlarini almashtirish ishlari olib boriladi. Shu munosabati bilan mazkur ko‘chada avtotransport vositalari harakati vaqtincha cheklanadi.
Mazkur davr mobaynida ayrim avtobus yo‘nalishlari harakati o‘zgartiriladi. Jumladan, 184-sonli yo‘nalish harakati Sergeli Yarmarka bekatigacha qisqartiriladi.
Shu bilan birga, 40 va 143-sonli yo‘nalishlar harakati Yangi Sergeli yo‘li — So‘g‘diyona — Jaloyir —Obihayot (yopilmagan qismi) ko‘chalari orqali vaqtincha o‘zgartiriladi.
Eslatib o‘tamiz, 18-iyuldan 22-iyulgacha Shayxontohur tumanidagi Beruniy ko‘chasi kesishmasidan Beshqayrag‘och ko‘chasi chorrahasigacha bo‘lgan qismi yopiq bo‘ladi. Bunga mazkur yo‘lda qurilish-montaj ishlari olib borilishi sabab sifatida keltirilgan.
Shu munosabat bilan ayrim avtobus yo‘nalishlari muqobil ko‘chalar orqali harakat qiladi.
34-sonli avtobus Shifokorlar shaharchasi—“Chilonzor” metro bekati yo‘nalishida Beruniy ko‘chasi—Nurafshon—Ko‘kcha darvoza ko‘chasi orqali harakatlanadi. Qaytish yo‘nalishi o‘zgarishsiz.
64-sonli avtobus “Paxtakor” metro bekati—Birlik mavzesi yo‘nalishida Nurafshon—Ko‘kcha darvoza ko‘chasi orqali harakatlanadi.
87-sonli avtobus Qoraqamish 2/4 mavzesi—Chilonzor 30-daha yo‘nalishida Beruniy—Nurafshon—Ko‘kcha darvoza ko‘chasidan yuradi.
116-sonli avtobus Shifokorlar shaharchasi—Chilonzor buyum bozori yo‘nalishida Beruniy—Nurafshon—Ko‘kcha darvoza ko‘chasi orqali harakatlanadi.
131-sonli avtobus Olimpiya mehmonxonasi—Do‘stlik-2 mavzesi yo‘nalishidan Beruniy—Nurafshon—Ko‘kcha darvoza ko‘chasi orqali yuradi.
147-sonli avtobus “Chorsu” savdo markazi ASHB—Chinni bozori yo‘nalishida Beruniy—Nurafshon—Ko‘kcha darvoza ko‘chasi orqali harakatlanadi.
Boshqarma yo‘l harakati ishtirokchilaridan muqobil yo‘llardan foydalanishni tavsiya qilgan.
Izoh (0)