“Olis shahar” va davomi 2025-yilning kuzida chiqadigan boshqa mashhur turk seriallari

Turk seriallari tobora butun dunyoda mashhurlikka erishmoqda. Tomoshabinlar turk seriallarini kelishgan aktyor aktrisalar, go‘zal maskanlar va qiziqarli syujeti uchun sevib tomosha qiladi. Quyida qaysi turk seriallari yangi mavsumga uzaytirilgani haqidagi ma’lumotlar bilan bo‘lishamiz. 

“Olis shahar”

Nafaqat Turkiya balki boshqa davlatlarda ham eng ko‘p ko‘rilayotgan serial bu “Olis shahar”. Loyiha besh mavsumga cho‘zilgan edi. Sinem Unsal va Ozan Akbaba uzoq vaqt biz bilan qoladi, deb taxmin qilish mumkin. Albatta, turk ssenaristlari voqealarni tezlashtirishi mumkin, biroq hozirgi reytinglarga qarab, hech bo‘lmasa yana uch mavsum kafolatlangan.

Ikkinchi mavsumning efirga chiqishi an’anaviy ravishda 2025-yil kuziga rejalashtirilgan, aniq sana esa ko‘rsatilmagan. Birinchi mavsumning so‘nggi qismi 2025-yil 2-iyunda efirga uzatiladi. Ssenariynavis so‘zlariga ko‘ra, bu haqiqatan ham qiziq final bo‘ladi — tomoshabinni yoz tezroq tugashini intizorlik bilan kutishga majbur qiladi.

“Bahor”

Serialning ikkinchi mavsumi reytingda ancha pasaygan, ammo ijodiy jamoa bunga unchalik e’tibor bermayotganga o‘xshaydi.  Aktyorlar ham suratga tushishda davom etishga tayyor. Aytishlaricha, agar ssenaristlar qiziqarli burilishlar o‘ylab topa olmasa, serial tomoshabinlar e’tiborini jalb qila olmasligi mumkin. 

“Cheksiz muhabbat”

“Cheksiz muhabbat” serialining uzaytirilishi yilning eng tortishuvli qarorlaridan biri bo‘ldi. Ikkinchi mavsum finalida bosh qahramon — Miray Daner ijrosidagi obraz halok bo‘ladi. Insayderlarga ko‘ra, uchinchi mavsumda eski aktyorlar tarkibidan faqat Deniz Jan Aktash va yana uch kishi qoladi.

Yangi mavsumning nomi — Halo. Tomoshabinlar bunga ikki xil ma’no yuklayapti. Biri — bu sirli voqealarni bildiradi, ikkinchisi esa bosh qahramon Halil Ibrohimning laqabi sifatida. 

“Agar qirol yutqazsa”

Halit Ergench bosh rollardan birini ijro etayotgan yangi serialga tomoshabinlarning munosabati har xil bo‘ldi. Biroq bu holat “Agar qirol yutqazsa” serialini davom ettirish qarorini to‘xtatmadi. Bu 2025-yil may boshida ma’lum bo‘ldi va hech kimni hayratga solmadi, chunki loyiha ustida OGM Pictures ishlamoqda. Bu kompaniya qisqa seriallar ishlab chiqmaydi.

Serial syujeti psixiatr Gulseren Budayjio‘g‘lining asari asosida yaratilgan. Voqealar markazida bosh qahramon Kenan Baran turadi. Hayotining eng og‘ir, quyi bosqichida bo‘lgan paytda u yolg‘izlik va tushkunlik ichida qoladi. Oxir-oqibat u keksalar uyiga joylashadi va bu yerda yashash xarajatlarini sirli bir ayol moliyalashtiradi. OGM odatda kutilmagan, ba’zida noqulay bo‘lsa-da, burilishlar yaratishi bilan mashhur. Shu sababli, serial hali ham tomoshabinlarni ushlab qolish imkoniyatiga ega. 

“Marvarid donalari”

“Marvarid donalari” seriali uchinchi mavsumga uzaytirilmaydi, degan taxminlar ko‘p edi. Chunki ikkinchi mavsum reytingda anchagina past bo‘ldi. Biroq, hozirgi turk televideniyesida reytinglar bilan bog‘liq holat tushunarsiz bo‘lib qolgan, shuning uchun ba’zi prodyuserlar bunga e’tibor bermaslikni afzal ko‘rmoqda.

2025-yil mart oxirida blogerlar va jurnalistlar bu serial yakunlanadi, deb bong urgan edi. Ammo aprel oxirida bu inkor qilindi. So‘nggi qism bor-yo‘g‘i 4 foiz umumiy reyting oldi. Ammo aktyor va ssenarist Erdo‘g‘on Yilmaz hali taslim bo‘lish niyatida emas. Xullas, 2025-yil kuzini kutamiz va nima bo‘lishini ko‘ramiz.

“Hukmdor Usmon”

“Hukmdor Usmon” serialida bosh rolni Burak O‘zchivit ijro etgan. “Sevgi iztirobi” va “Muhtasham yuz yil” seriallaridagi rollari bilan tanilgan aktyor bu hikoya allaqachon yakunlanishi kerakligini aytgan va charchaganini bildirgan edi. Biroq loyiha yana bir mavsumga uzaytirildi.

Demak, 2025-yil kuzida ushbu serialning yettinchi mavsumi efirga uzatiladi. Shuncha vaqt o‘tganiga qaramay, reytinglarda deyarli yo‘qotish yo‘q. Mahalliy tomoshabinlarga tarixiy dramalar yoqishi aniq. Aytishlaricha, ushbu mavsum yakuniy bo‘lib, bosh qahramonning farzandlaridan biriga bag‘ishlangan bo‘ladi. 

“Eshrefning orzusi”

Demet Ozdemir va Chag‘atoy Ulusoy ishtirokidagi loyiha “Chuqur” serialini eslatgani sababli ko‘pchilik undan yuqori reytinglar kutgan edi. Ammo, hozircha natijalar kutilgandek emas. Shunga qaramay, prodyuserlar serialdan voz kechmaslikka qaror qilishdi.

Reytinglar yomon emas — loyihaning raqamlari barqaror. Ammo “Olis shahar” va “Qizil sharbat”dan ancha ortda qolmoqda. “Eshrefning orzusi” serialining kelajagini esa ko‘proq boshqa davlatlarga bo‘lgan savdo bitimlari hal qildi. Shunday ekan, biz bu hissiy va hayajonli sevgi hikoyasining guvohi bo‘lishda davom etamiz — kamida yana bir mavsum.

“Himoyasizlar”

“Olis shahar”, “Qizil sharbat” va hatto “Eshrefning orzusi” fonida bu serial biroz soyada qolib ketayotgandek. Hatto o‘z auditoriyasiga to‘liq yetib bormayapti. Shunga qaramay, 25-aprel kuni rasmiy ravishda yangi mavsumga uzaytirildi. 

Turk matbuotiga ko‘ra, yangi mavsumda Hazal Subashi, Enes Kochak va Melis Minkari ishtirok etadi. Serial rejissyori va ssenariynavislari o‘zgarmaydi, bu esa syujet sifatining saqlanib qolishiga va hatto yangi tomoshabinlarni jalb qilishiga umid uyg‘otadi. E’tiborga molik jihati bu serial hali ham eng ko‘p tomosha qilinayotgan 5 ta loyiha qatorida.

“Qizil sharbat”

Ochig‘i, bu serialni to‘rtinchi mavsumga uzaytirish to‘g‘risidagi qarorga ishonch komil emasdi. Loyiha allaqachon Doa va Fatih haqidagi hikoyani tark etib, boshqa qahramonlarga urg‘u bera boshlagan. Davomini qanday yo‘nalishda olib borishlari hozircha noma’lum.

Shu bilan birga, yangi mavsumda Yunal oilasining villasi yana ostin-ustin bo‘lishi aniq. Uchinchi mavsum oxirida ehtimol Ishil rolini ijro etgan Ejje Irtem ham serial bilan xayrlashadi. Agar reyting yuqoriligicha qolsa, serial 2026-yil mayigacha davom etadi. Aks holda “Qo‘rg‘on sirlari” singari muddatidan oldin yopiladi.

“Shakir posho sulolasi: Mo‘jizalar va janjallar”

Bu serialni yopish mantiqan to‘g‘riroq bo‘lardi. Film maydonchasida yuzlab sud ishlari, taqiqlar, jarimalar va hatto halokatlar yuz berganiga qaramay, jamoa hali ham efir huquqi uchun kurashmoqda.

Joriy mavsum 16-qismda yakunlandi. Davomi 2025-yil kuzida chiqadi. Ikkinchi mavsumda Hazal Kaya va Eda Ejje ishtirok etadi. Jamoani yana yong‘inlar va senzura qo‘mitasi tomonidan jarimalar kutmayaptimi bu ham savol ostida.

“Mehmed: Fathlar sulton”

Turkiyada jangovar sahnalar, intrigalar va shaxsiy dramatik voqealarga boy tarixiy loyihalarga alohida e’tibor bor. Bosh rolni Serkan Chayo‘g‘lu ijro etgan “Mehmed: Fathlar sultoni” seriali ham hech qanday shubhasiz uchinchi mavsumga uzaytirildi.