Dizayner Karl Lagerfeldning atigi bir kecha tunagan uyi kimoshdi savdosida 5 million yevroga sotildi. Bu haqda Deutsche Welle xabar berdi.
Xaridorning ismi noma’lum, biroq nemis libos dizayneri 30 yildan ortiq hamkorlik qilgan Chanel uyi ko‘chmas mulkni sotib olgan bo‘lishi mumkinligi haqida ma’lumotlar bor. Ehtimol, villa dizaynerning merosiga bag‘ishlangan muzey yaratish uchun joy bo‘lishi mumkin.
Lagerfeld sotilgan qarorgohda bor-yo‘g‘i bir kecha tunagani ma’lum. Biroq uni bezatish uchun ancha mablag‘ sarfladi: 600 kvadrat metr maydonda basseyn, tennis korti, mehmonxona va kutubxona joylashgan. Mulk, shuningdek, ilgari shoir Leconte de Lilga tegishli bo‘lganligi bilan ham e’tiborga loyiq.
Fransuz villasi 2019-yilda vafot etgan Lagerfeldning mulkini vafotidan keyin sotishdan chiqqan birinchi lot emas. Avvalroq kimoshdi savdosida modelyerning Parijdagi xonadoni sotildi va 10 million yevroga baholangan edi.
Izoh (0)