Sumka — har bir ayol-qizning eng sevimli aksessuarlaridan biri. Qimmatbaho sumkalar shunchaki yordamchi buyum emas, balki ayollarning ijtimoiy mavqeyi, didi va individualligini namoyon etadigan obrazning bir qismidir. Quyida dizaynerlar tomonidan yaratilgan o‘ta qimmatbaho sumkalar bilan tanishamiz.
10. Blue Crocodile Hermès Birkin — $150,000
Birkin turidagi Hermes sumkasining kelib chiqishi oziga xos tarixga ega: 1981-yilda Parijdan Londonga uchayotgan samolyot bortida britaniyalik aktrisa va qo‘shiqchi Jeyn Birkinning sumkasi yirtilib, ichidagi buyumlar har tomonga sochilib ketgan. Bu voqeaga uning yonida o‘tirgan erkak — Hermes kompaniyasining bosh direktori Jan-Lui Dyuma guvohi bo‘lgan.
Aktrisa ham zamonaviy, ham mustahkam charm sumkani topishda qiynalayotganini Jan-Luiga aytib berganidan so‘ng dizayner yangi sumka ishlab chiqishga ilhomlangan. Shu tariqa Hermès Birkin sumkasi yaratilgan.
Oq oltin va 18 karatli olmos bilan bezatilgan mazkur sumka 1978-yilda Londonning Mayfair shahrida shaxsi noma’lum xaridor tomonidan sotib olingan.
9. Hermès Shiny Rouge H Porosus Crocodile Birkin Bag — $203,150
Mazkur sumkaga 18 karatli oq va qizil brilliantlar bilan bezak berilgan bo‘lib, 1937-yilda fransuz dizayn uyida Thierry Hermes tomonidan asos solingan.
8. Fuchsia Diamond-Studded Hermès Birkin — $222,000
18 karat olmos va oq oltin bilan bezatilgan yorqin pushti sumka haqiqiy timsoh charmidan ishlangan.
7. Chanel “Diamond Forever” Handbag — $261,000
Timsoh terisidan ishlangan va umumiy qiymati 3,56 karat 334 dona olmos bilan bezatilgan Chanel moda uyining klassik sumkasi. Oq rangli Chanel aksessuarining tutqichi marvarid bilan bezatilgan va 18 karatli oq oltin bilan qoplangan. Mazkur model 13 dona nusxada ishlab chiqarilgan.
6. Niloticus Crocodile Himalaya Birkin—$379,000
Hermès’ning navbatdagi sumkasi kamyob oq timsoh terisidan qilingan. Sumka ko‘rinishi Himolay tog‘larining qorli manzarasiga o‘xshashi uchun bir necha soat davomida bo‘yalgan. U 18 karatli oltin va 240 dan ortiq olmos bilan qoplangan. 2017-yilning may oyida sumka Gonkongdagi Christie’s auksion uyida sotuvga qo‘yilgan va Himolaya Birkin barcha jahon rekordlarini yangilab, 379 000 dollarga sotilgan. Kim Kardashyan, Viktoriya Bekhem va Jennifer Lopes kabi mashhurlar mazkur sumkani xarid qilishgan.
5. Lana Marks Cleopatra Clutch — $400,000
Lana Marks Kleopatra klatchining narxi 100 000 dan 400 000 dollargacha. Dizaynerlik uyi har yili faqat bitta yangi sumka ishlab chiqadi va ularning har biri rangi va dizayni bilan farq qiladi.
Bugungi kunda xitoylik aktrisa va qo‘shiqchi Li Bingbing eng qimmat Kleopatra sumkasiga egadir. Lana Marks va dizaynerlar uning libosiga mos kelishi uchun sumkani umumiy qiymati 40 karat bo‘lgan 1600 ta oq olmos bilan bezagan.
4. Hermès Chaine d’Ancre Bag — $1.4 million
Faqat uch dona nusxaga ega mazkur g‘ayrioddiy sumka dizayni qamoqxona mavzusida bo‘lib, zanjirlar va bezaklar 1160 dona olmosdan iborat.
3. Hermès Birkin by Ginza Tanaka — $1.9 million
Yaponiyalik dizaynerlar tomonidan ishlab chiqilgan mazkur Birkin klatchi 200 dona olmos bilan bezatilgan. Uning markaziy qismida nok shaklidagi 8 karatli olmos o‘rnatilgan bo‘lib, uni yechib olish va alohida aksessuar bezak sifatida taqish mumkin.
2. Hermès Kelly Rose Gold — $2 million
12 ta nusxada yaratilgan mazkur sumka 1160 ta olmos bilan bezatilgan va timsoh terisini eslatuvchi pushti oltindan yasalgan.
1. Mouawad 1001 Nights Diamond Purse — $3.8 million
Livanning hashamatli buyumlari ishlab chiqaruvchi Mouawad kompaniyasi dunyodagi eng qimmat buyumlar bo‘yicha besh marotaba Ginnes rekordlari kitobiga kiritilgan. Ushbu hamyon jami 4517 ta olmosdan (105 ta sariq, 56 ta pushti va 4 356 ta oq olmos) iborat. Uni yaratishga 8800 soat vaqt ketgan.
Izoh (0)