Buyuk Britaniya va Xitoyda 10 nafar ayolga dori ichirib, zo‘rlagan xitoylik talaba umrbod qamoq jazosiga hukm qilindi. Bu haqda CNN xabar berdi.
28 yoshli Chjenxao Zouga 19-iyun kuni Londonning ichki qirollik sudida hukm qilingan. Sudya Rosina Kottej unga muddatidan ilgari shartli ravishda ozod qilinish huquqiga ega bo‘lishi uchun 22 yil 227 kun qamoqda o‘tirishi kerakligini bildirgan.
Zou mart oyida 11 ta zo‘rlash, 3 ta voyeurism (boshqalarning og‘rig‘i yoki azobini ko‘rishdan zavqlanish) va bir qator boshqa jinoyatlar, jumladan, ekstremistik pornografik tasvirlarni saqlash va jinsiy huquqbuzarlik sodir etish maqsadida giyohvand moddalarni saqlashda aybdor deb topilgan.
Uning ko‘plab qurbonlari, prokurorlarning so‘zlariga ko‘ra, giyohvand moddalar ta’sirida hushsiz va himoyasiz bo‘lgan. Politsiyaga ko‘ra, internetda “Pakho” nomini ishlatgan Zou WeChat va tanishuv ilovalarida xitoylik talabalar bilan bog‘lanib, London va Xitoydagi kvartiralariga taklif qilgan. U qurbonlaridan buyumlar, jumladan, zargarlik buyumlari va kiyimlarni olib qolgani aytilgan. Buyuk Britaniya qirollik prokuraturasi Zou jinoyatlarining bir qismini mobil qurilma va yashirin kameralar yordamida tasvirga olganini bildirgan.
Zou London universiteti kollejining PhD talabasi edi. U 2024-yil yanvar oyida jabrlanuvchilardan biri politsiyaga murojaat qilganidan keyin hibsga olingan.
Izoh (0)