Qashqadaryo viloyati Koson tumanida maktab o‘quvchilari 9 yoshli bolani zo‘rlagani aytilgan xabar o‘rganildi. Viloyat Maktabgacha va maktab ta’limi boshqarmasi voqea tafsilotlarini ochiqladi.
Xabarga ko‘ra, holat mas’ullar ishtirokida atroflicha o‘rganildi. Koson tuman maktabgacha va maktab ta‘limi bo‘limi rahbariyati ijtimoiy tarmoqlarda e‘lon qilingan “Qashqadaryoda maktab o‘quvchilari 9 yoshli bolani zo‘rlaganlikda gumon qilinmoqda” mazmunidagi murojaatni mas‘ullar ishtirokida maktabga borib maktab rahbarlari, o‘quvchilarning ota-onalari, mahalla faollari va IIB xodimlari ishtirokida o‘rgandi.
O‘rganish jarayonida ushbu voqeaga guvoh bo‘lgan 5-sinf o‘quvchilarining guvohlik berishicha, 11-may kuni kunduzi soat 15:16 chamasida maktabning 3-sinf o‘quvchilarining bir nechtasi, aniqrog‘i, 8 nafari darsdan keyin sport zaliga kirgan va o‘zaro o‘yin o‘ynab turgan vaqtlarida maktabning ikki nafar 5-sinf o‘quvchisi ham sport zaliga kirgan.
O‘zlaridan quyi sinfda o‘qiyotgan o‘quvchilarni qo‘rqitib, sport zalidan bir nechtasini chiqarib yuborgan. Sport zalida qolgan 4 nafar 3-sinf o‘quvchisini kichkina xonaga kiritgan va o‘zlarining qo‘llarida bo‘lgan o‘yinchoq rezinka ilon bilan kiyimlarini yechtirib, ularning bir nafarining badaniga, jumladan, belidan pastki qismiga ham urgan.
Shundan so‘ng ularni tashlab chiqib ketishgan, bu holatdan xafa bo‘lgan o‘quvchi uyiga ketgan va qo‘rquv natijasida hech kimga hech narsa aytmagan. Oradan uch kun o‘tgach bu bolaning sinfdoshi uning onasiga bo‘lgan voqea haqida aytib bergan, bu voqeadan ta‘sirlangan ona bolasini tibbiy ekspertiza qildirmasdan turli so‘zlarni boshqa OAV vakillariga aytgan.
Hozirgi kunda tibbiy ekspertiza xulosasining toza chiqqani haqida shifokorlar og‘zaki ma‘lumot bergan va uning tasdig‘i kelgusida ochiqlanishi haqida ma‘lumot berilgan. Ayni paytda voqea tuman IIB tergov bo‘limi tomonidan o‘rganilmoqda, maktab rahbariyati yoki boshqa rahbarlar tomonidan bolaning ota-onasi yoki oila a‘zolariga hech qanday bosim o‘tkazilmagan. Voqea va maktabdagi mavjud ma‘naviy holat bo‘lim mas’ul xodimlari nazoratiga olingan.
Izoh (0)