“Manchester Yunayted” vingeri Antoni Saudiya Arabistonining bir nechta klublari qiziqishlari doirasiga tushib qoldi. Bu haqda Foot Mercato nashri xabar bermoqda.
Manbaga ko‘ra, saudiyaliklar Antoni uchun “qizil iblislarga”ga rasmiy taklif yuborgan. Taklif miqdori oshkor etilmagan bo‘lsa-da, mankunianliklar futbolchi uchun kamida 50 million funt sterling (taxminan 59 million yevro) talab qilmoqda.
Ma’lumotlarga ko‘ra, hozirda Saudiya Arabistonining ikki klubi — “An-Nassr” hamda “Al-Hilol” Antonini o‘z safiga qo‘shib olishga harakat qilmoqda. Shu sababli uning yana “Manchester Yunayted”ga qaytishi deyarli imkonsiz deb baholanmoqda.
Bundan tashqari, Antoni, Jeydon Sancho, Alexandro Garnacho va Teyrel Malasiya “Manchester Yunayted”ning AQShdagi mavsumoldi yig‘inida ishtirok etgani yo‘q. Jamoaning bosh murabbiyi Ruben Amorim bu futbolchilarning o‘yin falsafasiga mos kelmasligini ta’kidlagan. Mazkur sabablar ularning manchesterliklar safini tark etish ehtimoli oshirmoqda.
25 yoshli braziliyalik futbolchining “Manchester Yunayted” bilan tuzgan amaldagi shartnomasi 2027-yil yozigacha mo‘ljallangan. U o‘tgan mavsumning ikkinchi qismini “Betis” safida ijara asosida o‘tkazdi. U ispan klubi tarkibida jami 17 o‘yinda maydonga tushib, 5 ta gol va 2 ta assistga mualliflik qilgan.
Izoh (0)