Baliq yog‘i terini parvarish qilish: oziqlantiruvchi, namlantiruvchi va yoshartiruvchi ta’sirga ega qimmatbaho mahsulotdir. U omega-3 yog‘ kislotalariga hamda teri go‘zalligini saqlash uchun kerak bo‘lgan barcha vitaminlarga boy.
Omega-3 teri uchun ko‘plab foydali xususiyatlarga ega. Jumladan, ushbu yog‘ kislotalari terida qizarishni bartaraf etadi, elastikligini oshiradi, namlantiradi va natijada mimik ajinlar kamaya boshlaydi. Omega-3 tarkibidagi A va D vitaminlari terini erkin radikallardan himoya qiladi, hujayralar yangilanishiga yordam beradi va teri rangini yaxshilaydi.
Ilmiy tadqiqotlar ham baliq yog‘ining teri parvarishida samarali ekanini bir necha bor tasdiqlagan. Masalan, Marine Drugs jurnalida chop etilgan 2018-yilgi tadqiqotga ko‘ra, baliq yog‘i dermatit, psoriza kasalliklar, allergiya, teri saratonida foydali bo‘lishi mumkin.
Dorixonalardagi baliq moyi yoki tarkibida omega-3 bo‘lgan krem vositalarini tanlashda ularning tarkibini tekshirish zarar qilmaydi. Kremga turli xushbo‘ylantiruvchi moddalar qo‘shilgan mahsulotlarning effekti kamroq bo‘lishi ham mumkin.
Baliq yog‘i qo‘shilgan vositalar terini tinchlantirishga yordam beradi va qurishning oldini oladi. Bunday mahsulotlarni uyqudan avval ishlatish lozim, ammo ularni ko‘p miqdorda qo‘llamaslik tavsiya etiladi.
Bundan tashqari, teri orqali organizmga so‘riladigan ozuqa moddalarining miqdori cheklangan bo‘ladi. Shuning uchun faqatgina tashqi parvarish bilan emas, balki tanqisligi aniqlangan ozuqaviy qo‘shimchalar bilan organizmda to‘yintirish tavsiya etiladi.
Xulosa qilganda, baliq yog‘i tarkibli kosmetik vositalar tabiiy va samarali bo‘lib, teri parvarishi va oziqlantirishda koni foydadir.
Izoh (0)