Xalqaro fan olimpiadalari g‘olib va sovrindorlari uchun pul mukofoti 5 karra oshirildi

Prezidentning “Prezident iqtidorli farzandlari” tashabbusini amalga oshirish chora-tadbirlari to‘g‘risida”gi farmoni qabul qilindi.

Farmon bilan nufuzli xalqaro olimpiadalar, xalqaro olimpiadalar va mintaqaviy xalqaro olimpiadalar g‘oliblari, ularning o‘qituvchilari va terma jamoalar rahbarlariga to‘lanadigan bir martalik pul mukofotlari miqdoriga o‘zgartirishlar kiritildi. Unga ko‘ra:

nufuzli xalqaro olimpiadada:

• 1-o‘rin (oltin medal) egallagan o‘quvchilarga — BHMning 2 500 baravari (hozirgi vaqtda 937,5 mln so‘m) miqdorida;

ularning o‘qituvchilariga — BHMning 450 baravari (hozirgi vaqtda 168 mln 750 ming so‘m) miqdorida;

terma jamoa rahbariga — BHMning 35 baravari (hozirgi vaqtda 13 mln 125 ming so‘m) miqdorida;

• 2-o‘rin (kumush medal) egallagan o‘quvchilarga — BHMning 1 500 baravari (hozirgi vaqtda 562,5 mln so‘m) miqdorida;

ularning o‘qituvchilariga — BHMning 250 baravari (hozirgi vaqtda 93 mln 750 ming so‘m) miqdorida;

terma jamoa rahbariga — BHMning 25 baravari (hozirgi vaqtda 9 mln 375 ming so‘m) miqdorida;

• 3-o‘rin (bronza medal) egallagan o‘quvchilarga — BHMning 1 000 baravari (hozirgi vaqtda 375 mln so‘m) miqdorida;

ularning o‘qituvchilariga — BHMning 150 baravari (hozirgi vaqtda 56 mln 250 ming so‘m) miqdorida;

terma jamoa rahbariga — BHMning 15 baravari (hozirgi vaqtda 5 mln 625 ming so‘m) miqdorida;

xalqaro olimpiadada:

• 1-o‘rin (oltin medal) egallagan o‘quvchilarga — BHMning 150 baravari (hozirgi vaqtda 56 mln 250 ming so‘m) miqdorida;

ularning o‘qituvchilariga — BHMning 50 baravari (hozirgi vaqtda 18 mln 750 ming so‘m) miqdorida;

• 2-o‘rin (kumush medal) egallagan o‘quvchilarga — BHMning 100 baravari (hozirgi vaqtda 37,5 mln so‘m) miqdorida;

ularning o‘qituvchilariga — BHMning 35 baravari (hozirgi vaqtda 13 mln 125 ming so‘m) miqdorida;

• 3-o‘rin (bronza medal) egallagan o‘quvchilarga — BHMning 50 baravari (hozirgi vaqtda 18 mln 750 ming so‘m) miqdorida;

ularning o‘qituvchilariga — BHMning 30 baravari (hozirgi vaqtda 11 mln 250 ming so‘m) miqdorida;

mintaqaviy xalqaro olimpiadada:

• 1-o‘rin (oltin medal) egallagan o‘quvchilarga — BHMning 12 baravari (hozirgi vaqtda 4,5 mln so‘m) miqdorida;

ularning o‘qituvchilariga — BHMning 50 baravari (hozirgi vaqtda 18 mln 750 ming so‘m) miqdorida;

• 2-o‘rin (kumush medal) egallagan o‘quvchilarga — BHMning 8 baravari (hozirgi vaqtda 3 mln so‘m) miqdorida;

ularning o‘qituvchilariga — BHMning 35 baravari (hozirgi vaqtda 13 mln 125 ming so‘m) miqdorida;

• 3-o‘rin (bronza medal) egallagan o‘quvchilarga — BHMning 6 baravari (hozirgi vaqtda 2 mln 250 ming so‘m) miqdorida;

ularning o‘qituvchilariga — BHMning 30 baravari (hozirgi vaqtda 11 mln 250 ming so‘m) miqdorida pul mukofotlari bilan taqdirlanadi.

Maʼlumot uchun, bugungi kunda eng nufuzli olimpiadada 1-o‘rinni olgan o‘quvchiga BHMning 500 barobari (187,5 mln so‘m), xalqaro olimpiada g‘olibiga BHMning 150 barobari (56,25 mln so‘m), mintaqaviy olimpiada g‘olibiga esa BHMning 12 barobari (4,5 mln so‘m) miqdorida pul mukofoti beriladi.