O‘zbekistonda 20-maydan boshlab havo harorati yana ko‘tarilishi kutilmoqda.
“O‘zgidromet” prognozlariga ko‘ra, 19-may, dushanba kuni O‘zbekiston bo‘yicha 28-33 daraja, janubda 35 darajagacha bo‘lgan qulay harorat fonida ob-havo kam bulutli va quruq bo‘lishi kutilmoqda.
Seshanbadan havo harorati ko‘tarila boshlaydi va hafta o‘rtasida kunduz kunlari havo 35-38 darajagacha, janubda va cho‘l hududlarda 40-42 darajagacha isiydi.
Ish haftasining oxiriga kelib, salqin havoning yana bir qismi kirib kelishi hisobiga harorat 30-32 darajagacha pasayadi.
Respublika bo‘yicha baʼzi joylarda shamol tezligi 13-18 metr/sekundgacha kuchayishi, chang-to‘zon bilan kuzatilishi kutilmoqda. 22—23-mayda ayrim joylarda shamol tezligi 20-22 metr/sekundgacha kuchayishi mumkin.
Tog‘oldi va tog‘li hududlarda 22—23-may kunlari qisqa muddatli yomg‘ir yog‘ishi, momaqaldiroq bo‘lishi mumkin.
Toshkentda 19—23-may kunlari havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. 19-may kuni kunduzi harorat 28-30 daraja bo‘ladi, 20—22-mayda asta-sekin 35-38 darajagacha ko‘tariladi, 23-mayda 30-32 daraja bo‘ladi. 22—23-mayda shamol tezligi 12-15 metr/sekundgacha kuchayishi, baʼzi joylarda chang-to‘zon kuzatilishi mumkin.
Izoh (0)