Saudiya Arabistoni maydonlarida o‘tayotgan U-17 Osiyo chempionati chorak final bosqichi bahslari o‘tkazilmoqda. O‘zbekiston o‘smirlar terma jamoasi 13-aprel, yakshanba kuni BAAga qarshi maydonga tushib, 3:1 hisobida g‘alaba qozondi va yarim final yo‘llanmasiga ega chiqdi.
Islom Ismoilov jamoasi uchrashuvni ajoyib tarzda boshladi. 13-daqiqada Asilbek Aliyev jarima zarbasidan super gol muallifiga aylandi. 36-daqiqaga kelib, Aliyev o‘zining dublini rasmiylashtirdi. Birinchi bo‘lim oxirida Sayfiddin Sodiqov penaltidan O‘zbekistonning o‘yindagi 3-golini kiritdi.
Ikkinchi taymning 67-daqiqasiga kelib BAA hisobni biroz qisqartirishga erishdi. Muhammad Buti gol urib, tablodagi natijani 3:1 ko‘rinishiga keltirib qo‘ydi.
Bahsning qolgan daqiqalari ham qizg‘in kurashlar ostida o‘tdi, biroq darvozalarga boshqa to‘p kiritilmadi. Shu tariqa O‘zbekiston yarim final yo‘llanmasiga ega chiqdi. Endi ular Indozeniya — Shimoliy Koreya bahsi g‘olibi bilan final yo‘llanmasi uchun kursh olib boradi.
U-17 Osiyo chempionati
Chorak final
13-aprel, yakshanba
O‘zbekiston U-17 — BAA U-17 3:1
Golllar: 1:0 — Asilbek Aliyev (14), 2:0 — Asilbek Aliyev (36), 3:0 — Sayfiddin Sodiqov, 3:1 — Buti (67)
Izoh (0)