Zamonaviy dunyoda kiberxavfsizlikni ta’minlash qanchalik muhim?

Zamonaviy dunyoda axborot tizimlari va resurslari kundalik hayotimizning ajralmas qismiga aylangan. Ularning xavfsizligini ta'minlash tashkilotlar, xususiy sektor va oddiy internet foydalanuvchilari uchun ham muhim sanaladi. 

Hozirgi kunda, “Kiberxavfsizlik markazi” davlat unitar korxonasi tarkibidagi milliy “Uzcert” kiberxavfsizlik hodisalariga chora ko‘rish jamoasi Respublikamiz kibermakonida yuzaga kelgan kiberxavfsizlik hodisalariga samarali chora ko‘rish va zamonaviy kibertahdidlarni oldini olish borasida katta hajmdagi ishlarni amalga oshirib kelmoqda. 

“Uzcert”  jamoasi muhim axborot infratuzilmalari, biznes subyektlari va sohadagi yetakchi xalqaro tashkilotlar bilan keng qamrovli hamkorlik aloqalarini olib borib, yuzaga kelishi mumkin bo‘lgan kiberxavfsizlik hodisalarini oldini olishda zamonaviy tajribalarni qo‘llamoqda. Uzcert jamoasi hozirgi kunda FIRST (Xalqaro CSIRT jamoalari forumi) va OIC-CERT tashkilotining to’laqonlik a’zosi hisoblanib, xalqaro kiberxavfsizlik hamjamiyatiga ham o‘z hissasini qo‘shib kelmoqda. 

Shuningdek, “Uzcert” jamoasi veb-resurslarni kiberxavfsizlik darajasini oshirish va ularni himoyasini ta’minlash, kiberxavfsizlik hodisalariga tezkor chora ko‘rish va oqibatlarini bartaraf etish, aktual kibertahdidlar to‘g‘risida tashkilotlarni xabardor qilish, SOC markazlari va CERT jamoalarini tashkil etishda konsultatsiyalar berish, axborot infratuzilmalarni kiberhujumlarga bardoshliligini tekshirish (Pentesting & RedTeaming xizmatlari), axborot infratuzilmalarda sodir etilgan kiberxavfsizlik hodisalarni tekshirish, oqibat hamda sabablarini aniqlash bo‘yicha ham ish olib boradi.

Bundan tashqari, ma’lumot saqlash qurilmalaridan o’chirilgan ma’lumotlarni qayta tiklash, zararli dasturiy ta’minotlarni tahlil qilish, mobil qurilmalar, kompyuterlar, serverlar va elektron axborot tashuvchilardan raqamli dalillarni zamonaviy raqamli kriminalistika usullari yordamida yig‘ish, tahlil qilish va rasmiylashtirish, ularning huquqiy ahamiyatini ta’minlash kami xizmatlarni ham ko‘rsatib kelmoqda.

Jamoaning asosiy missiyasi Respublikamizning raqamli muhitida kiberxavfsizlik darajasini oshirishda ko‘maklashish va sohadagi ilg‘or texnalogiyalarni yurtimizda qo‘llashan iborat.