Замонавий дунёда ахборот тизимлари ва ресурслари кундалик ҳаётимизнинг ажралмас қисмига айланган. Уларнинг хавфсизлигини таъминлаш ташкилотлар, хусусий сектор ва оддий интернет фойдаланувчилари учун ҳам муҳим саналади.
Ҳозирги кунда, “Киберхавфсизлик маркази” давлат унитар корхонаси таркибидаги миллий “Узcерт” киберхавфсизлик ҳодисаларига чора кўриш жамоаси Республикамиз кибермаконида юзага келган киберхавфсизлик ҳодисаларига самарали чора кўриш ва замонавий кибертаҳдидларни олдини олиш борасида катта ҳажмдаги ишларни амалга ошириб келмоқда.
“Узcерт” жамоаси муҳим ахборот инфратузилмалари, бизнес субъектлари ва соҳадаги етакчи халқаро ташкилотлар билан кенг қамровли ҳамкорлик алоқаларини олиб бориб, юзага келиши мумкин бўлган киберхавфсизлик ҳодисаларини олдини олишда замонавий тажрибаларни қўлламоқда. Узcерт жамоаси ҳозирги кунда FIRST (Халқаро CSIRТ жамоалари форуми) ва ОИC-CEРТ ташкилотининг тўлақонлик аъзоси ҳисобланиб, халқаро киберхавфсизлик ҳамжамиятига ҳам ўз ҳиссасини қўшиб келмоқда.
Шунингдек, “Узcерт” жамоаси веб-ресурсларни киберхавфсизлик даражасини ошириш ва уларни ҳимоясини таъминлаш, киберхавфсизлик ҳодисаларига тезкор чора кўриш ва оқибатларини бартараф этиш, актуал кибертаҳдидлар тўғрисида ташкилотларни хабардор қилиш, SOC марказлари ва CEРТ жамоаларини ташкил этишда консултациялар бериш, ахборот инфратузилмаларни киберҳужумларга бардошлилигини текшириш (Пентестинг & РедТеаминг хизматлари), ахборот инфратузилмаларда содир этилган киберхавфсизлик ҳодисаларни текшириш, оқибат ҳамда сабабларини аниқлаш бўйича ҳам иш олиб боради.
Бундан ташқари, маълумот сақлаш қурилмаларидан ўчирилган маълумотларни қайта тиклаш, зарарли дастурий таъминотларни таҳлил қилиш, мобил қурилмалар, компьютерлар, серверлар ва электрон ахборот ташувчилардан рақамли далилларни замонавий рақамли криминалистика усуллари ёрдамида йиғиш, таҳлил қилиш ва расмийлаштириш, уларнинг ҳуқуқий аҳамиятини таъминлаш ками хизматларни ҳам кўрсатиб келмоқда.
Жамоанинг асосий миссияси Республикамизнинг рақамли муҳитида киберхавфсизлик даражасини оширишда кўмаклашиш ва соҳадаги илғор техналогияларни юртимизда қўллашан иборат.
Изоҳ (0)