Bahor boshlanishi anime muxlislaridan ko‘ra dorama ishqibozlarini ko‘proq quvontiradi, chunki Li Dong Uk, Bay Lu, IU, Pak Bo Gom hamda boshqa sevimli aktyorlarni ekranlarda ko‘rishimiz mumkin.
2025-yil mart oyining eng kutilgan doramalari
“Kartoshka tadqiq qilish instituti”
- Mamlakat: Janubiy Koreya
- Premyera: 1-mart
Yangi romantik dramada tog‘ vodiysidagi Kartoshkachilik ilmiy-tadqiqot instituti xodimlarining hayoti tasvirlanadi. So Pek Xo — o‘z sohasini mukammal biladigan yangi kelgan direktor, ammo shaxsiy hayoti havas qilarli emas. Institutda u tajribali tadqiqotchi Kim Mi Gyong bilan tanishadi. Ular birgalikda nafaqat eng ajoyib kartoshka navini yaratishga, balki mustahkam sevgi munosabatlarini ham qurishga harakat qiladilar.
“Shimolga”
- Mamlakat: Xitoy
- Premyera: 3-mart
Aktrisa Bay Lu 90-yillarning oxiridan bugungi kungacha bo‘lgan voqealarni aks ettiruvchi yangi serialda bosh rolni o‘ynaydi. Xitoy tarixi haqidagi mazkur film bir davrda yashagan, mamlakat bilan birga o‘zgargan, birga ulg‘aygan o‘smirlarning hayotini tasvirlaydi. Serial mashhur yozuvchi Syuy Sze Chenning shu nomdagi romani asosida suratga olingan.
“Muzokaralar olib borish san’ati”
- Mamlakat: Janubiy Koreya
- Premyera: 8-mart
Yun Jun O kompaniyalar qo‘shilishi va sotib olinishi bo‘yicha mutaxassis bo‘lib, butun bir professionallar jamoasiga rahbarlik qiladi. U eng foydali shartlar asosida kelishuvga erishib, mijozlarga ular hatto orzu ham qilmagan shartnomani taqdim eta oladi. Dorama bunday yopiq sohada ishlashning ichki tomonini ko‘rsatadi va shubhasiz, ko‘pchilikni yanada yuksak darajadagi mutaxassis bo‘lishga undaydi.
“Giperpichoq”
- Mamlakat: Janubiy Koreya
- Premyera: 19-mart
Yoshligida Chon Se Ok istiqbolli neyrojarroh edi, biroq professor Choy Dok Xi bilan kelishmovchilik tufayli bir kuni jarrohlik xonasini janjal bilan tark etadi. Rasman ketgan bo‘lsa-da, Se Ok o‘z iste’dodini yashirin tarzda bo‘lsa ham odamlar manfaati yo‘lida ishlatishni davom ettiradi. Vaziyat ustoz va shogirdni yana yuzma-yuz keltiradi.
“Kaydzu № 8”
- Premyera: 28-mart
Bu yilning yozida taqdim etilishi kutilayotgan ikkinchi mavsum premyerasidan oldin, studiya birinchi mavsumning asosiy voqealarini aks ettiruvchi film-rekapni chiqaradi. Bu yerda yangi narsani ko‘rish amri mahol, biroq agar birinchi qism allaqachon xotiradan ko‘tarilgan bo‘lsa, eslatma sifatida xizmat qilishi mumkin.
Hikoya yangi voqelik haqida bo‘lib, unda insonlar maxluqlar — kaydzulardan himoyalanadi. Kafka Xibino doimo Mudofaa korpusiga qo‘shilib, maxluqlar hujumlarini qaytarishga yordam berishni orzu qilgan, ammo kasallanib, kaydzuga aylanish qobiliyatiga ega bo‘lib qoladi.
Izoh (0)