2025-yilga mo‘ljallangan restoran narxlari indeksi bo‘yicha mamlakatlar reytingida O‘zbekiston 139 ta davlat orasida 17-o‘rinni egalladi.
Mamlakat indeksi 20,8 ni tashkil etmoqda. Ushbu ko‘rsatkich restoran va barlardagi oziq-ovqat hamda ichimliklar narxini AQSHning Nyu-York shahridagi narxlar bilan taqqoslaydi. Qo‘shma shtatlardagi indeks 100 deb qabul qilingan. Shu tariqa O‘zbekistondagi narxlar Nyu Yorkka qaraganda o‘rtacha 79,2 foizga past.
Eng past ko‘rsatkichlar Liviya, Madagaskar va Afg‘onistonda, eng yuqori ko‘rsatkichlar esa Shveysariya, Islandiya va Bagam orollarida qayd etilgan.
MDH davlatlari orasida esa O‘zbekistondagi restoran xizmatlari eng arzon deb topildi. Taqqoslash uchun: Qirg‘izistonda bu indeks 21,4, Rossiyada – 21,8, Ukrainada – 21,9, Moldovada – 27,2, Belarusda – 27,5, Qozog‘istonda – 28, Ozarbayjonda – 33,1 va Armanistonda – 42,3 ni tashkil etdi.
Toshkent supermarketlarida narxi pasaygan 6 ta mahsulot
Makroiqtisodiy va hududiy tadqiqotlar instituti mutaxassislari 2025-yilning fevral oyida Toshkentdagi yirik supermarketlarda 21 nomdagi oziq-ovqat mahsulotlari narxining o‘zgarishini ko‘rib chiqqan edi.
Monitoringga ko‘ra, 6 nomdagi mahsulotning minimal narxlari o‘tgan oydagiga nisbatan pasaygan. Kartoshkaning minimal narxi 26,1 foiz, qizil sabziniki 11,3 foiz, lavlaginiki 8,2 foiz, tuxumniki 7,8 foiz, sutniki 0,9 foiz, shakarniki 0,4 foiz pasaygan. O‘tgan oyda kartoshka narxi oshganidan keyin Pokistondan kartoshka import qilindi va bu uning narxi pasayishiga olib keldi.
8 mahsulotning narxi esa oshdi, ular qatorida oqbosh karam va bodiring bor. Bug‘doy uni, guruch, grechka, makaron, olma, banan, tovuq go‘shti (file) narxlari esa o‘zgarishsiz qolgan.
Izoh (0)