Futbol bo‘yicha 20 yoshgacha bo‘lgan futbolchilar o‘rtasidagi Osiyo Kubogi yakuniga yetdi.
Xitoy maydonlarida o‘tkazilgan turnirning final bosqichiga Avstraliya va Saudiya Arabistoni yoshlari yetib keldi.
Uchrashuvning asosiy va qo‘shimcha taymlari 1:1 hisobidagi durang bilan yakunlandi. Penaltilar seriyasida esa omad “kengurular yurti” vakillariga kulib boqdi — 5:4
O‘zbekiston yoshlar terma jamoasi a’zosi Muhammadali O‘rinboyev 4 ta gol bilan musobaqa to‘purari sovriniga ega chiqdi.
“Paxtakor” a’zosi guruhda Yaman U-20, Indoneziya U-20 va Eron U-20 va pley-off bosqichida esa Janubiy Koreya U-20 terma jamoalari darvozasiga gol kiritgan edi.
Shunigdek uning hisobida 1 assist ham bor. O‘rinboyev 2-tur doirasidagi Indoneziyaga qarshi bahsda Saidumarxon Saidnurillayevning goliga hammualliflik qilib, gol+pass bo‘yicha ham eng yaxshi natijani qayd etdi.
Qolaversa, Janubiy Koreya yoshlar terma jamoasi a’zosi Kim Tai-Von ham 4 gol va 1 assist bilan to‘purarlardan biriga aylandi.
Eslatib o‘tamiz, O‘zbekiston U-20 terma jamoasi chorak finalda Janubiy Koreyaga imkoniyatni boy berib (asosiy va qo‘shimcha taymlar 3:3, penaltilar seriyasi 1:3), Jahon chempionati yo‘llanmasidan quruq qoldi.
Izoh (0)