Футбол бўйича 20 ёшгача бўлган футболчилар ўртасидаги Осиё Кубоги якунига етди.
Хитой майдонларида ўтказилган турнирнинг финал босқичига Австралия ва Саудия Арабистони ёшлари етиб келди.
Учрашувнинг асосий ва қўшимча таймлари 1:1 ҳисобидаги дуранг билан якунланди. Пенальтилар сериясида эса омад “кенгурулар юрти” вакилларига кулиб боқди — 5:4
Ўзбекистон ёшлар терма жамоаси аъзоси Муҳаммадали Ўринбоев 4 та гол билан мусобақа тўпурари совринига эга чиқди.
“Пахтакор” аъзоси гуруҳда Яман U-20, Индонезия U-20 ва Эрон U-20 ва плей-офф босқичида эса Жанубий Корея U-20 терма жамоалари дарвозасига гол киритган эди.
Шунигдек унинг ҳисобида 1 ассист ҳам бор. Ўринбоев 2-тур доирасидаги Индонезияга қарши баҳсда Саидумархон Саиднуриллаевнинг голига ҳаммуаллифлик қилиб, гол+пасс бўйича ҳам энг яхши натижани қайд этди.
Қолаверса, Жанубий Корея ёшлар терма жамоаси аъзоси Ким Таи-Вон ҳам 4 гол ва 1 ассист билан тўпурарлардан бирига айланди.
Эслатиб ўтамиз, Ўзбекистон U-20 терма жамоаси чорак финалда Жанубий Кореяга имкониятни бой бериб (асосий ва қўшимча таймлар 3:3, пенальтилар серияси 1:3), Жаҳон чемпионати йўлланмасидан қуруқ қолди.
Изоҳ (0)