O‘zbekistondan eksport qilingan 14 tonna qovun somon ustida tashilayotgani sababli Qirg‘izistonga kiritilmadi. Bu haqda “Econom.kg” xabar berdi.
Qirg‘izistonning O‘simliklarni kimyolashtirish, himoya qilish va karantin departamenti xodimlari “Ken-Say” nazorat-o‘tkazish punkti orqali qovunlarni olib kirishda fitosanitariya talablari buzilganini aniqladi. Jalolobod viloyatiga yo‘l olgan yuk mashinasida 14 tonna qovun tashilayotgan edi. Tekshiruv chog‘ida ular fitosanitariya sertifikatida ko‘rsatilmagan somon ustida tashilgan.
Karantin fitosanitariya talablari buzilgani sababli boshqarma xodimlari nazorat dalolatnomasini rasmiylashtirib, yukni qaytarish bo‘yicha ko‘rsatma bergan. Barcha mahsulotlar inspektorlar nazorati ostida jo‘natuvchiga qaytarilgan.
Izoh (0)