O‘zbekistonda ijro hujjatlari yuzasidan qarzdorligi bor fuqarolarga gaz yoki yoqilg‘i quyish shoxobchalarida xizmat ko‘rsatilmayotgani haqidagi xabarlar rad etildi. MIB matbuot xizmati holat yuzasidan “Daryo”ga izoh berdi.
Majburiy ijro byurosining axborot xizmati rahbari Farrux Toshpulatovning bildirishicha, ijtimoiy tarmoqlarda avtomobillarga gaz yoki yoqilg‘i quyish shoxobchalarida fuqarolarning sudlar yoki boshqa organlar hujjatlariga asosan mavjud qarzdorligi sababli, avtotransport vositalariga xizmat ko‘rsatish taqiqlangani haqidagi xabarlar asosga ega emas.
“Fuqarolarimizning ijro ishlari haqidagi qarzdorligi haqidagi xabarlar, avvalo “SMS xabarnomalar” orqali ma’lum qilib boriladi. Qolaversa, fuqarolarimiz yuzaga kelayotgan qarzdorliklar haqida ma’lumotlarni olish va xorijga chiqish oldidan taqiq bor yoki yo‘qligini mobil telefon orqali ham bilib borish mumkin”, deydi MIB axborot xizmati rahbari.
Chet elga chiqish niyatida bo‘lgan fuqarolar uchun ular taqiq o‘rnatilgan yoki o‘rnatilmaganini tekshirishda yordam beradigan bot ham ishga tushirilgan. @mibuzbot Telegram-boti orqali taqiq bor yoki yo‘qligini bilib olsa bo‘ladi.
Izoh (0)