“Манчестер Сити” бош мураббийи Пеп Гвардиола “Ньюкасл”га (4:0) қарши баҳсдан сўнг фикрларини билдириб ўтди.
“Ўйинни кўриб, биз қандай эканлигимизни эслаб олдик. Ушбу мавсумда бунга қадар бўлган ўйинларда бундай даражага чиқа олмаётгандик.
Биз доимо ҳаракатдамиз, бироқ ҳар доим ҳам ишлар ўхшайвермайди. Ўйин темпи ва интенсивлигидан мамнунман, Нико Гонсалес ва Абдуқодир Ҳусанов бугун жуда зўр ўйнади. ЕЧЛга чиқишимиз учун бундай ўйинларда ғалаба қозониш керак. Шундай ўйин кўрсатайликки, мухлисларимиз уйларига хурсанд ҳолда қайтишлари керак”, – деди Гвардиола.
“Манчестер Сити” дарвозабони Эдерсон янги жамоадошлари ҳақида фикр билдирди.
У жамоада янги қиёфаларни кўриш яхшилигини таъкидлади.
“Мармуш, Нико ва Ҳусанов — уларнинг барчаси яхши ўйнашди ва бизга ёрдам беришди. Айниқса, Ҳусанов учун хурсандман. У ёш бўлиши ва инглиз тилини билмаслигига қарамай, яхши ўйнади. Абдуқодир билан гаплашиш қийин, аммо у ҳаракат қиляпти, инглиз тили дарсларини оляпти, бизни тинглаяпти. Мен у учун чиндан хурсандман”, — дейди бразилиялик посбон.
Изоҳ (0)