“Real” bosh murabbiyi Karlo Anchelotti 2024—2025-yilgi Chempionlar Ligasi pley-off bosqichidagi “Manchester Siti”ga qarshi o‘yin haqida fikr bildirdi.
“Men xotirjamman va, albatta, xursandman. Biz ikki o‘yindan iborat qarama-qarshilikning birinchisida yaxshi o‘yin ko‘rsatib, kichik ustunlikka ega bo‘ldik. Endi bizni javob o‘yini kutmoqda.
O‘yin yaxshi o‘tdi. Bu barcha jihatlari bilan mukammal uchrashuv bo‘ldi: biz yaxshi himoyalandik, hamma astoydil ishladi, hujumda samarali harakat qildik va ko‘plab vaziyatlar yaratdik. Futbolchilar taslim bo‘lmadi.
G‘alabaga haqli edik. Biz juda ko‘p xavfli hujumlar uyushtirdik. Hujumdagi to‘rtligimiz samarali o‘ynadi.
Javob o‘yini? Vaziyat avvalgidek. ‘Siti’ning mag‘lubiyati ularning keyingi o‘yinga bo‘lgan yondashuvini o‘zgartirmaydi. Bizning yondashuvimiz ham shundayligicha qoladi... Bu shunchaki kichik bir ustunlik. Biz javob o‘yiniga yaxshi tayyorgarlik ko‘rishimiz kerak. ‘Siti’ yaxshi harakat qildi”, deya Anchelottining so‘zlarini keltiradi Marca.
Ma’lumot uchun, uchrashuv davomida “qirollik klubi” ikki marta hisobda ortda borayotgan bo‘lsa-da, yakunda 3:2 hisobida g‘alabani ilib ketdi.
UEFA Chempionlar Ligasi pley-off bosqichidagi “Real” va “Manchester Siti” o‘rtasidagi javob uchrashuvi 19-fevral kuni bo‘lib o‘tadi.
Izoh (0)