“Реал” бош мураббийи Карло Анчелотти 2024—2025 йилги Чемпионлар Лигаси плей-офф босқичидаги “Манчестер Сити”га қарши ўйин ҳақида фикр билдирди.
“Мен хотиржамман ва, албатта, хурсандман. Биз икки ўйиндан иборат қарама-қаршиликнинг биринчисида яхши ўйин кўрсатиб, кичик устунликка эга бўлдик. Энди бизни жавоб ўйини кутмоқда.
Ўйин яхши ўтди. Бу барча жиҳатлари билан мукаммал учрашув бўлди: биз яхши ҳимояландик, ҳамма астойдил ишлади, ҳужумда самарали ҳаракат қилдик ва кўплаб вазиятлар яратдик. Футболчилар таслим бўлмади.
Ғалабага ҳақли эдик. Биз жуда кўп хавфли ҳужумлар уюштирдик. Ҳужумдаги тўртлигимиз самарали ўйнади.
Жавоб ўйини? Вазият аввалгидек. ‘Сити’нинг мағлубияти уларнинг кейинги ўйинга бўлган ёндашувини ўзгартирмайди. Бизнинг ёндашувимиз ҳам шундайлигича қолади... Бу шунчаки кичик бир устунлик. Биз жавоб ўйинига яхши тайёргарлик кўришимиз керак. ‘Сити’ яхши ҳаракат қилди”, дея Анчелоттининг сўзларини келтиради Marca.
Маълумот учун, учрашув давомида “қироллик клуби” икки марта ҳисобда ортда бораётган бўлса-да, якунда 3:2 ҳисобида ғалабани илиб кетди.
УЕФА Чемпионлар Лигаси плей-офф босқичидаги “Реал” ва “Манчестер Сити” ўртасидаги жавоб учрашуви 19 февраль куни бўлиб ўтади.
Изоҳ (0)