Alibaba Cloud kompaniyasi O‘zbekistonda QQS to‘lovchisi sifatida ro‘yxatdan o‘tdi, deb xabar bermoqda Soliq qo‘mitasi matbuot xizmati.
Maʼlum qilinishicha, avvalroq Alibaba Group kompaniyasiga rasmiy so‘rov yuborilgan.
28-yanvar kuni Alibaba Cloud (Singapore) Private Limited bulutli hisoblash sohasida faoliyat yurituvchi xalqaro kompaniyasi tax.uz QQS ofisi orqali O‘zbekistonda ko‘rsatilayotgan elektron xizmatlar bo‘yicha QQS to‘lovchisi sifatida ro‘yxatdan o‘tdi.
Maʼlumot uchun, bugunga kelib O‘zbekistonda 65 ta chet el internet-kompaniyalari ro‘yxatdan o‘tgan.
Alibaba Cloud nima?
Alibaba Cloud – bu Alibaba Group kompaniyasiga tegishli bo‘lgan bulutli hisoblash (cloud computing) va IT infratuzilma xizmatlarini taklif etuvchi platforma. U 2009-yilda tashkil etilgan va hozirgi kunda dunyodagi eng yirik bulutli xizmat ko‘rsatuvchilardan biri hisoblanadi.
Alibaba Cloud asosan biznes, davlat tashkilotlari va tadbirkorlar uchun turli xil IT resurslar, maʼlumotlar bazasi, serverlar, sunʼiy intellekt (AI) va internet texnologiyalarini taqdim etadi.
Izoh (0)