O‘zbekistonda 2024-yilning yanvar-oktabr oylarida xizmat ko‘rsatish faoliyati bilan shug‘ullanuvchi 167 629 ta yuridik shaxs tomonidan 28,8 trln so‘mdan ortiq soliq to‘langan. Bu haqda Soliq qo‘mitasi matbuot xizmati xabar berdi.
Shundan, 5,7 trln so‘mdan ortig‘i, yaʼni 20 foizi 20 ta korxona hisobiga to‘g‘ri keladi.
Ularning jami tovar aylanmasi 61,9 trln so‘mni, qo‘llagan soliq imtiyozlari miqdori esa 4,3 trln so‘mni tashkil etgan. Ushbu 20 ta soliq to‘lovchi tomonidan taʼminlangan tushumlar soliq turlari kesimida:
- QQS – 1,5 trln so‘m;
- foyda solig‘i – 1,4 trln so‘m;
- aksiz solig‘i - 811,1 mlrd so‘m;
- JSHODS - 693,4 mlrd so‘m;
- ijtimoiy soliq - 684 mlrd so‘m;
- mol-mulk solig‘i - 235,3 mlrd so‘m;
- yer solig‘i - 85,9 mlrd so‘m;
- boshqa soliqlar - 298 mlrd so‘m.
2024-yil yanvar-oktabr oylarida savdo faoliyati bilan shug‘ullanuvchi 147 723 ta yuridik shaxs tomonidan 20,4 trln so‘mdan ortiq soliq to‘langan. Shundan, 2 trln so‘mdan ortig‘i, yaʼni 10 foizi 20 ta korxona hisobiga to‘g‘ri keladi.
Ularning jami tovar aylanmasi 43,9 trln so‘mni, qo‘llagan soliq imtiyozlari esa 469,8 mlrd so‘mni tashkil etgan. Ushbu 20 ta soliq to‘lovchi tomonidan taʼminlangan tushumlar soliq turlari kesimida:
- QQS – 801,7 mlrd so‘m;
- foyda solig‘i – 479,1 mlrd so‘m;
- aksiz solig‘i - 339,8 mlrd so‘m;
- JSHODS - 249,9 mlrd so‘m;
- ijtimoiy soliq - 128,2 mlrd so‘m;
- mol-mulk solig‘i - 36,3 mlrd so‘m;
- boshqa soliqlar - 6,7 mlrd so‘m.
Yanvar-oktabr oylarida umumiy ovqatlanish faoliyati bilan shug‘ullanuvchi 19 514 ta yuridik shaxs tomonidan 1 trln so‘mdan ortiq soliq to‘langan. Shundan, 182,9 mlrd so‘mi, yaʼni 16,8 foizi 20 ta korxona hisobiga to‘g‘ri keladi.
Ularning jami tovar aylanmasi 2,7 trln so‘mdan oshgan, qo‘llagan soliq imtiyozlari esa 56,4 mlrd so‘mni tashkil etgan. Ushbu soliq to‘lovchilar tomonidan taʼminlangan tushumlar soliq turlari kesimida:
- QQS – 80 mlrd so‘m;
- JSHODS - 55,5 mlrd so‘m;
- foyda solig‘i – 39,1 mlrd so‘m;
- boshqa soliqlar - 8,3 mlrd so‘m.
Izoh (0)