Xalq deputatlari Toshkent viloyati kengashining 6-yanvardagi qaroriga muvofiq, 2025-yilning 1-fevralidan issiqlik korxonalarining issiq suv va isitish xizmatlari tariflari oshiriladi.
Viloyat “Issiqlik manbai” ishlab chiqarish boshqarmasi, “Angren issiqlik energiyasi” DUK, Chirchiq “Issiqlik energiyasi” hamda “Olmaliq issiqlik manbai” korxonalari tomonidan ko‘rsatiladigan issiqlik ta’minoti xizmatlari tariflari o‘zgartiriladi.
Xususan aholi uchun 1 Gkal issiqlik narxini (QQS bilan):
- Toshkent viloyati “Issiqlik manbai” boshqarmasi 81 312 so‘mdan 93 464 so‘mga;
- “Angren issiqlik energiyasi” DUK 81 312 so‘mdan 93 508 so‘mga
- Chirchiq “Issiqlik energiyasi” korxonasi 88 088 so‘mdan 101 301 so‘mga;
- “Olmaliq issiqlik manbai” 92 252 so‘mdan 100 800 so‘mga oshiradi.
Byudjet tashkioltlari va ulgurji iste’molchilar uchun ham narxlar oshiriladi. Quyida yangi tariflar va barcha korxonalar taklif etgan issiq suv va isitish ta’minoti narxlarida hisoblagich mavjudligi yoki mavjud emasligida qancha hisoblanishi keltirilgan.
O‘zbekiston issiqlik va issiq suv tariflari 2025-yil davomida 2 marotaba oshirish ko‘zda tutilgan. Bu haqda qurilish va uy-joy kommunal xo‘jaligi vazirligi boshqarma boshlig‘i Ilhom To‘rayev ma’lum qilgandi.
“Chunki to‘lovlarni davlat tomonidan qoplab berishda juda katta subsidiya bor. Subsidiyadan qutilish va tizimni yangilash uchun biz narxlarni qayta ko‘rib chiqishimiz kerak. Bunda nafaqat narxlarni, to‘lov tizimni ham qayta ko‘rish lozim”, degan edi u.
Tarif narxlari 2024-yilda viloyatlarda bir marotaba Toshkentda esa ikki marotaba oshirilgan.
Izoh (0)