O‘zbekistonda 2024-yilning yanvar—sentyabr oylarida 18 585 ta o‘rta tadbirkorlik subyekti tomonidan 18,6 trln so‘mdan ortiq soliq to‘langan. Bu haqda Soliq qo‘mitasi matbuot xizmati xabar berdi.
Maʼlum qilinishicha, shundan 391,7 mlrd so‘mi 20 ta korxona hisobiga to‘g‘ri keladi.
Ularning jami tovar aylanmasi 1,5 trln so‘mdan ziyod, qo‘llagan soliq imtiyozlari 27,7 mlrd so‘mni tashkil etgan.
Ushbu korxonalar tomonidan taʼminlangan tushumlar soliq turlari kesimida:
- QQS — 136,7 mlrd so‘m;
- foyda solig‘i — 92,2 mlrd so‘m;
- aksiz solig‘i — 87,7 mlrd so‘m;
- JSHODS — 37,5 mlrd so‘m;
- ijtimoiy soliq — 20,9 mlrd so‘m;
- boshqa soliqlar — 16,8 mlrd so‘m.
Avvalroq, O‘zbekistonda elektron xizmatlar ko‘rsatuvchi 61 ta xorijiy kompaniya tomonidan 2024-yilning yanvar—sentyabr oylarida 101,9 mlrd so‘m soliq to‘langani haqida xabar berilgan edi.
Izoh (0)