Amerikaning eBay kompaniyasi O‘zbekistonda soliq to‘lovchi sifatida rasman ro‘yxatdan o‘tdi.
Endi kompaniya qo‘shilgan qiymat solig‘ini (QQS) to‘laydi.
EBay’dan tashqari Netflix, Amazon, Google, Apple, Zoom va boshqa yirik kompaniyalar ham maxsus soliq idorasida ro‘yxatdan o‘tgan.
Umuman olganda, bugungi kunda O‘zbekistonda 64 ta xorijiy kompaniya qo‘shilgan qiymat solig‘ini (QQS) to‘laydi.
Soliq qo‘mitasi maʼlumotlariga ko‘ra, 2024-yilning yanvar-sentyabr oylarida O‘zbekistonda elektron xizmatlar ko‘rsatuvchi 61 ta xorijiy kompaniya mamlakat byudjetiga 101,9 milliard so‘m soliq to‘lagan.
Bu o‘tgan yilning shu davriga nisbatan 2,1 barobar ko‘pdir.
To‘langan soliqlarning 99,9 foizi elektron xizmatlar ko‘rsatuvchi 10 ta xorijiy kompaniya hissasiga to‘g‘ri keladi:
O‘zbekistonda 2024-yil dekabr oyida elektron tijorat xizmatlarini ko‘rsatuvchi kompaniyalarga yangi talablar kiritilgan edi.
Endilikda elektron tijorat xizmatlarini ko‘rsatuvchi barcha kompaniyalar O‘zbekistonda yuridik shaxs sifatida ro‘yxatdan o‘tishlari shart. eBay va Amazon kabi yirik o'yinchilar hali mamlakatda mavjud emas, bu ularning mahalliy bozordagi kelajakdagi faoliyatiga nisbatan noaniqlikni keltirib chiqaradi.
eBay — onlayn auksionlar (uning asosiy faoliyat sohasi) va onlayn-do‘konlar sohasida xizmatlar ko‘rsatadigan Amerika kompaniyasi.
eBay’ning asosiy g‘oyasi sotuvchilarga har qanday mahsulotni sotish uchun onlayn platformani taqdim etishdir. eBay o‘zi faqat sotuvchi va xaridor o‘rtasida oldi-sotdi shartnomasini tuzishda vositachi sifatida ishlaydi. Tovarlar uchun to‘lov va ularni jo‘natish eBay ishtirokisiz amalga oshiriladi.
Izoh (0)