AQShning Yangi Orlean shahrida (Luiziana shtati) parad tomosha qilayotgan olomonga avtomobilning kelib urilishi oqibatida 28 kishi jabrlandi. Bu haqda “RIA Novosti” xabar bermoqda.
Hodisa 25-fevral, shanba kuni kechki payt Mardi-Gra bayram paradi chog‘ida sodir bo‘ldi.
Politsiya bo‘limi boshlig‘i Maykl Xarrisonning so‘zlariga ko‘ra, hozirda 21 kishi shifoxonada bo‘lib turibdi, qolgan 7 kishi shifoxonaga yotishdan bosh tortdi. Jabrlanganlar orasida eng kichigi bo‘lgan 3-4 yosh atrofidagi qizchaning ahvoli barqaror.
Mahalliy rasmiylar avtomobil haydovchisi mast holatda bo‘lganini bildirmoqda. Associated Press agentligining ma’lum qilishicha, haydovchi hibsga olingan, u terakt amalga oshirishda gumon etilmadi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)