O‘zbekistonda metan zapravkalar faoliyatiga 9-dekabrdan boshlab kiritilgan cheklovlar olib tashlanishi mumkin. Bu haqda Spot nashri Energetika vazirligi matbuot kotibi Hasan Toshxo‘jayevga tayanib xabar bermoqda.
Toshxo‘jayevga ko‘ra, quvurlardagi tabiiy gaz bosimidan kelib chiqib, hafta oxirigacha AGTKShlarning 24 soatlik ish rejimi tiklanadi.
9-dekabr kuni Energetika vazirligi metan zapravkalar faoliyatiga cheklov kiritilishi haqida xabar bergandi. Keyinroq birja savdolariga chiqarilayotgan benzin hajmi vaqtinchalik ikki karra oshirilishi aytildi.
“Daryo” cheklov minglab haydovchilarning soatlab ko‘chada o‘tirishiga, yonilg‘isiz qolib ketishiga sabab bo‘layotgani haqida reportaj tayyorlagandi.
Keyinroq ijtimoiy tarmoqlarda Energetika vazirligi topshirig‘i bilan elektromobillarni quvvatlash stansiyalari o‘chirib qo‘yilayotgani haqida xabarlar tarqaldi. Holat yuzasidan Energetika vazirligi izoh berib, bu asossiz ekanini aytgandi.
Tizimga kiring yoki Roʻyxatdan oʻting.
yoki E-Pochta orqali
Roʻyxatdan oʻtganmisiz? Login.
yoki E-Pochta orqali
Rahmat. Biz sizning xabaringizni oldik va xatoni imkon qadar tezroq tuzatamiz.
Izoh (0)