Andijonning ikkita tumanida 966 mln so‘mlik tabiiy gazdan noqonuniy foydalanildi
Andijon viloyatida energiya resurslaridan noqonuniy foydalanish holatlari aniqlanmoqda, deb xabar berdi “O‘zenergoinspeksiya” matbuot xizmati.
Foto: “O‘zenergoinspeksiya” matbuot xizmati
Maʼlum qilinishicha, Baliqchi tumanida faoliyat yurituvchi “T.T.” MCHJ masʼul shaxslari to‘g‘ridan to‘g‘ri tarmoqqa ulab, 630 mln so‘mlik tabiiy gazdan noqonuniy foydalangan.
Foto: “O‘zenergoinspeksiya” matbuot xizmati
Shuningdek, Andijon tumani “B.CH.” va “O.R.” xususiy korxonalari masʼul shaxslari tarmoqqa o‘zboshimchalik bilan ulab, 366 mln so‘mlik tabiiy gazdan noqonuniy foydalangan.
Foto: “O‘zenergoinspeksiya” matbuot xizmati
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
Bu holatlar deyarli har kuni uchramoqda
Jizzaxda 1,1 mlrd so‘mlik “svet”dan noqonuniy foydalangan shaxs ushlangani, bundan tashqari, uchta viloyatda jami 628 mln so‘mlik “svet”dan noqonuniy foydalanish holatlari aniqlangani haqida xabar berilgandi.
Avvalroq Sirdaryoda 683 mln so‘mlik “svet”dan noqonuniy foydalangan shaxs ushlangan edi. Shuningdek, Sirdaryodagi maishiy xizmat ko‘rsatish shoxobchasida 325 mln so‘mlik “svet”dan noqonuniy foydalanilgani aniqlangandi.
Shu bilan birga, Qoraqalpog‘iston Respublikasi va Toshkentda jami 2 mlrd so‘mlik “svet”dan noqonuniy foydalanilgani haqida xabar berilgan edi. Angrendagi metan zapravka 1,1 mlrd so‘mlik elektr energiyasidan, Samarqanddagi metan zapravkada 6,6 mlrd so‘mlik gazdan noqonuniy foydalanilgani aniqlangan.
Izoh (0)