Klublar o‘rtasidagi Jahon chempionati ketma-ket ikki marta AQSHda o‘tkazilishi mumkin.
The Athletic nashrining xabar berishicha, FIFA 2029-yilgi musobaqani ham Qo‘shma Shtatlarda o‘tkazish variantini ko‘rib chiqmoqda.
Eslatib o‘tamiz, yangilangan formatdagi turnir 2025-yilning yozida AQSHda bo‘lib o‘tadi. Hozircha, undan keyingi mezbon nomi aniq emas. Biroq tashkilot kengashi ikkinchi marta AQSH nomzodini ilgari surmoqda.
Taxminlarga ko‘ra, 2029-yilgi klublar o‘rtasidagi Jahon chempionati AQSHda o‘tkazilishi FIFAga JCH—2026 musobaqasidan keyin munosib turnir bo‘lishi kutilmoqda. Undan tashqari, Qo‘shma Shtatlar Yevropaning grand jamoalari uchun mavsumoldi yig‘inlarni o‘tkazishga eng yaxshi joy bo‘lib xizmat qilyapti.
Ma’lumot uchun, 2025-yildan boshlab klublar o‘rtasidagi Jahon chempionatida 32 ta jamoa ishtirok etadi. Yevropadan 12 ta jamoa, Janubiy Amerikadan 6 ta, Afrika, Osiyo va KONKAKAFdan 4 tadan va Okeaniyadan bitta jamoa ishtirok etadi. Yangilangan formatdagi ilk turnir 2025-yil 15-iyundan 13-iyulgacha AQSHda bo‘lib o‘tadi.
Quyidagi suratda guruh bosqichi bilan tanishishingiz mumkin:
Izoh (0)