“Chelsi” Koul Palmerni Konferensiyalar Ligasi qaydonamasiga kiritmadi

“Chelsi” kutilmaganda iste’dodli Koul Palmerni UEFA Konferensiyalar Ligasi qaydnomasiga kiritmaslikka qaror qildi.

Londonning “Chelsi” klubi hujumchi Koul Palmer yuklamasi ko‘pligi sababli tarkibga kiritilmaganini ma’lum qildi. Bu haqda Fabritsio Romano X (sobiq Twitter) ijtimoiy tarmog‘ida ma’lum qilgan. Himoyachi Uesli Fofana va yarim himoyachi Romeo Lavia ham aynan shu sabab tarkibdan o‘rin olmagan.

Ushbu mavsumda “Chelsi” bir yo‘la 5 ta turnirda ishtirok etadi. Ular orasida 2025-yilning iyuligacha davom etishi mumkin bo‘lgan Klublar o‘rtasidagi Jahon chempionati musobaqasi ham bor.

Eslatib o‘tamiz, Palmer mushaklaridagi jarohat sabab Angliya terma jamoasining sentyabrdagi yig‘inini o‘tkazib yubormoqda.

Enzo Mareska shogirdlari Konferensiyalar Ligasi guruh bosqichidagi ilk o‘yinni “Gent”ga qarshi o‘z uyida o‘tkazadi. O‘yin 3-oktyabr kuni bo‘lib o‘tadi.

“Manchester Siti”dan ko‘chib o‘tgan futbolchi 25 ta gol urib, klubning so‘nggi xaridlaridagi eng omadli transferlardan biri sifatida qayt etilmoqda.