Lionel Messi futbol tarixidagi eng ko‘p mukofot olgan futbolchiga aylandi.
Bugun, 15-iyul kuni Argentina terma jamoasi finalda Kolumbiya terma jamoasini mag‘lub etdi va Amerika Kubogi-2024 g‘olibiga aylandi.
Shu tariqa, Lionel Messi futbol tarixidagi eng ko‘p sovrin yutgan futbolchiga aylandi. 37 yoshli hujumchi hisobida 45 ta sovrin bor.
Himoyachi Dani Alves 44 unvon bilan ikkinchi o‘rinni egallab turibdi. Uchinchi o‘rinni esa butun faoliyati davomida “Al-Ahli”da o‘ynagan misrlik yarim himoyachi Xosam Ashhur yakunladi – 39 ta sovrin.
2024-yilgi Amerika Kubogida Messi to‘rtta o‘yin o‘tkazib, bitta gol urdi va bitta golli uzatmani amalga oshirdi.
Messi “Barselona” tarkibida 10 marta La Liga g‘olibi bo‘lgan, 4 marta Chempionlar Ligasida g‘olib chiqqan, 8 marta Ispaniya Superkubogini, 7 marta mamlakat kubogini qo‘lga kiritgan, shuningdek, uch marta Klublar o‘rtasidagi jahon chempionati va Yevropa Superkubogini qo‘lga kiritgan.
“PSJ” tarkibida u 2 marta Fransiya chempionligi va bir marta mamlakat Superkubogida zafar quchgan.
Argentina terma jamoasi bilan Leo Jahon kubogi, Amerika kubogi, Olimpiada g‘olibligi, yoshlar o‘rtasidagi Jahon chempionati, shuningdek “Finalissimo” g‘olibligini qo‘lga kiritdi.
2023-yilning iyulidan beri Messi “Inter Mayami”da o‘ynamoqda. Transfermarkt 37 yoshli futbolchini 30 million yevroga baholamoqda.
Izoh (0)