FIFA prezidenti Jahon Chempionatini har 3 yilda o‘tkazishni taklif qilmoqda

FIFA prezidenti Janni Infantino Jahon Chempionatini har 3 yilda o‘tkazishni xohlamoqda.

Daily Mail nashrining xabariga ko‘ra, Infantino Qatarda bo‘lib o‘tgan mundialning muvaffaqiyatidan hayratda. Musobaqa qishda o‘tkazilgani katta o‘zgarishlarga olib kelganiga va futbol yanada o‘sish va globallashuv salohiyatiga ega ekanligini ko‘rsatganiga ishonchi komil.

Mavsum o‘rtasida o‘tkaziladigan turnir jarohatlar sonini ko‘paytiradi degan xavotirlarga qaramasdan daromad bo‘yicha rekord o‘rnatdi. FIFA ushbu musobaqadan 6,2 milliard funt sterling oldi, bu JCH—2018 yakunida olingan daromaddan 840 million funt ko‘p degani.

Endi Infantino turnirning hozirgi formatini o‘zgartirishni maqsad qilgan. FIFA rahbari mundialni har 3 yilda o‘tkazish taklifini bermoqda. Bunda Jahon Chempionatlari oralig‘ida yillarda 2025-yildan boshlab 32 ta jamoa ishtirok etadigan klublar o‘rtasidagi Jahon chempionati va Qit’a turnirlari o‘tkaziladi.

Bunday o‘zgarishlar faqat JCH—2030 dan so‘ng amalga oshishi mumkin. Chunki 2024-yildan 2030-yilga qadar bo‘lgan davr uchun xalqaro futbol taqvimi bo‘yicha muzokaralar deyarli yakunlangan.

Avvalroq UEFA va KONMEBOL Jahon Chempionatini har ikki yildan o‘tkazishiliga qarshi chiqqan edi.