May oyi boshida M-Clinic klinikasida sinov tariqasidagi yangi loyiha amalga oshirildi: klinikada ilk bor ultratovush diagnostikasi (UZD) bo‘yicha telemeditsina maslahati o‘tkazildi. Unda Samarqand, Toshkent shaharlaridan hamda Rossiya Federatisiyasidan yetakchi mutaxassislar jalb etildi.
5-may kuni tibbiyot fanlari doktori, professor, o‘z sohasining e’tirof etilgan eksperti — N.N. Vetsheva, Moskvadagi Rossiya tibbiyot oliy o‘quv yurtidan keyingi ta’lim akademiyasi ultratovush diagnostikasi kafedrasi mudirasi bilan onlayn maslahat bo‘lib o‘tdi.
7-may kuni bolalar, 10- may kuni esa turli kasalliklarga chalingan katta yoshdagilar uchun qo‘shma qabul tashkil etildi.
Telemeditsina maslahatida shuningdek, tibbiyot fanlari nomzodi E.A. Filippova — Moskva shahridagi V.I. Kulakov nomidagi akusherlik, ginekologiya va perinatologiya bo‘yicha milliy tibbiy tadqiqot markazi neonatologiya va pediatriya bo‘limi mudirasi hamda M-Clinic klinikasining UZD shifokori, tibbiyot fanlari nomzodi N.X. Shomansurova ishtirok etdi.
Hammualliflikdagi ushbu ish murakkab va noaniq holatlarda aniqroq tashxis qo‘yilishga yordam berdi. Bemorlar ultratovush tekshiruvlaridan o‘tib, batafsil tavsiyalar oldilar: davolanishda qanday yo‘l tutish, qaysi mutaxassislar bilan maslahatlashish, qanday o‘zgarishlarni dinamikada kuzatish kerakligi haqida ma'lumotlar oldilar.
“Hatto bir martalik tajribada ham, bir nechta ekspertning fikri bemor foydasiga birlashtirilganida, bu yondashuv qanchalik samarali bo‘lishi mumkinligini ko‘rdik,” — deya ta’kidlaydilar M-Clinic vakillari.
Hozircha loyiha sinov tarzida amalga oshirilmoqda. Biroq klinika telemeditsinani, ayniqsa mutaxassis fikri muhim bo‘lgan diagnostika yo‘nalishlarida qo‘llash imkoniyatlarini jiddiy o‘rganmoqda. Bunday tajriba M-Clinic jamoasiga zamonaviy amaliyotlardan boxabar bo‘lish va tibbiy yordam sifatini oshirish bo‘yicha yangi yechimlarni ko‘rib chiqish imkonini beradi.
Manzil: Toshkent shahri, Mirzo-Ulug‘bek tumani, Tantana ko‘chasi, 1-uy (mo‘ljal — TTZ bozori)
Telefonlar: (+998) 55−508−13−30, qisqa raqam: 1330
Veb-sayt: mclinic.uz
Facebook: fb.com/mclinic.uz
Instagram: @mclinic_uz
Telegram: t.me/mclinic_uzb
Reklama huquqi asosida
Izoh (0)