2025-yil may oyining ikkinchi yarmida APEX BANK rivojlanishning yangi bosqichiga chiqmoqda — Toshkent shahrida, Sodiq Azimov ko‘chasi, 77-uy manzilida bankning bir vaqtning o‘zida ikki muhim obyekti: Markaziy savdo ofisi va Bosh ofisi ochiladi. APEX TOWER biznes-markazi binosining umumiy maydoni 11 000 kvadrat metrdan oshadi.
Bu voqea nafaqat jismoniy kengayishni, balki mijozlarga qulaylik va raqamlashtirishga yo‘naltirilgan zamonaviy moliyaviy yechimlar ekotizimini yaratish sari tashlangan muhim qadamlardan biridir.
Yangi avlod banki: texnologiyalar, servis, arxitektura
APEX BANK Bosh ofisi — bu strategik, operatsion va ekspert funksiyalar jamlangan zamonaviy maʼmuriy yadro bo‘lib, bu yerda bankning ustuvor vazifalari belgilanadi, tashabbuslar shakllanadi va rivojlanish yo‘nalishlari aniqlanadi.
Markaziy savdo ofisi esa xizmat ko‘rsatishning yangi darajadagi makoniga aylanib, quyidagilarni o‘z ichiga oladi:
– premium xizmat; – shaxsiy moliyaviy maslahatlar; – korporativ mijozlar zonasi; – raqamli imkoniyatlar va qulay mijoz zonalari.
“Biz shunchaki filiallar emas, balki ishonch va g‘amxo‘rlik muhitini yaratmoqdamiz. Bosh va Markaziy ofislar — bankning soha uchun mezon bo‘lishga yo‘naltirilgan harakatlarimizning namunasidir”, deydi APEX BANK Boshqaruvi raisi vazifalarini vaqtinchalik boshqaruvchi Sergey Gimadiev.
Mijoz uchun ishlaydigan makon
Yangi ofis majmuasi ish joylarining ergonomikasidan tortib, tashrif buyuruvchilar uchun vizual navigatsiyagacha bo‘lgan eng mayda detallargacha puxta o‘ylab chiqilgan. Bo‘limda tezkor xizmat ko‘rsatish va shaxsiy maslahatlar uchun barcha sharoitlar yaratilgan va mijozlar oqimini qulay boshqarish tizimi joriy etilgan.
“Biz yaratayotgan poydevor nafaqat moddiy, balki strategik ahamiyatga ega. Bu — APEX BANK jamoasi bilan kelajak sari dadil tashlangan qadamimiz natijasidir. Yangi ofis — bu shunchaki bino emas, balki rivojlanish, barqarorlik va mijozlar uchun ochiqlik ramzi. Shu bilan birga, bularning barchasi biz uchun ko‘lamni kengaytirish bosqichidir”, — deya taʼkidladi APEX BANK Kuzatuv kengashi a’zosi Baxrom No‘monov.
Rivojlanish va ishonchga eʼtibor
Bosh va Markaziy ofislarning ochilishi APEX BANKning:
• mijozlar bilan ishlash tajribasini kuchaytirish; • xizmatlar turini kengaytirish; • yangi bank mahsulotlarini joriy etish; • chakana, korporativ va investitsion yo‘nalishlarni rivojlantirishga qaratilgan barqaror o‘sish strategiyasini yana bir bor tasdiqlaydi.
APEX BANK mamlakatimiz moliyaviy infratuzilmasining muhim qismi sifatida biznes va xususiy mijozlar uchun tayanch bo‘lishni, barqarorlik, moslashuvchanlik va zamonaviy yondashuvni taklif etishni maqsad qilgan.
Batafsil ma'lumot uchun: 1188
Veb-sayt: apexbank.uz
Instagram: @apexbank.uz
Reklama huquqi asosida.
Izoh (0)