FIFA prezidenti Janni Infantino professional faoliyatini yakunlaganini ma’lum qilgan 40 yoshli yarim himoyachi Andres Inyesta haqida fikr bildirdi.
“Biz Andres Inyestani shunday yorqin faoliyati bilan tabriklaymiz. FIFA Jahon chempionati finalida g‘alaba to‘pini kiritish orqali Ispaniyaga birinchi jahon chempionligini qo‘lga kiritishga yordam berganingiz, uchta FIFA klublar o‘rtasidagi jahon chempionatida g‘alaba qozonganingiz bilan qutlaymiz. Siz butun dunyodagi muxlislarni xursand qila oldingiz.
Barcha xotiralar uchun rahmat, sizdek futbolchining to‘p bilan harakatini ko‘rish juda yoqimli edi. Siz yaratgan sehr qalbimizda abadiy qoladi. Kelajakda sizga eng yaxshi tilaklarimni tilayman”, deb yozadi Infantino ijtimoiy tarmoqdagi sahifasida.
Ispaniya terma jamoasi tarkibida Inyesta 131 ta o‘yin o‘tkazib, 14 ta gol urdi va 30 ta golli uzatmani amalga oshirdi. Yarim himoyachi ikki marta Yevropa va bir bora Jahon chempionatlarida g‘olib chiqdi.
Izoh (0)